اسلام آباد: ایوان بالا (سینیٹ) نے نیشنل کاؤنٹر ٹیررازم اتھارٹی (نیکٹا) پاکستان کا ترمیمی بل 2019 منظور کرلیا ہے۔
نیکٹا میں سب ہی ڈیپوٹیشن پر ہیں، فواد چوہدری
ہم نیوز کے مطابق سینیٹ اجلاس میں وفاقی وزیر برائے پارلیمانی امور سینیٹر اعظم سواتی نے بل پیش کیا جسے منظور کرلیا گیا۔ منظور کردہ بل کے مطابق نیکٹا کا بورڈ آف گورنرز ہوگا جس میں وزیر داخلہ، سیکریٹریز دفاع، داخلہ، قانون وانصاف اور خزانہ شامل ہوں گے۔
The National Counter Terrorism Authority (Amendment) Bill 2019 has been passed by the Senate.
— Senate of Pakistan (@SenatePakistan) February 10, 2020
ایوان بالا سے منظور کیے جانے والے ترمیمی بل میں کہا گیا ہے کہ نیکٹا کے بورڈ آف گورنرز میں ایک سینیٹر اورایک رکن قومی اسمبلی بھی شامل ہوگا جب کہ ڈی جی انٹیلی جنس بیورو (آئی بی)، ڈی جی وفاقی تحقیقاتی ایجسنی (ایف آئی اے)، ڈی جی انٹر سروسز انٹیلی جنس (آئی ایس آئی) اور ڈی جی ملٹری انٹیلی جنس (ایم آئی) بھی اس کا حصہ ہوں گے۔
نیکٹا اور 14 قانون نافذ کرنیوالے اداروں کے مابین مفاہمتی یادداشت پر دستخط
ہم نیوز کے مطابق بل کے تحت بورڈ آف گورنرز میں چاروں صوبوں، گلگت بلتستان، آزاد کشمیر اور وفاقی دارالحکومت اسلام آباد کے ہوم سیکریٹریز اور آئی جیز بھی شامل ہوں گے۔ بل کے مطابق نیکٹا کی ایگزیکٹو کمیٹی بورڈ کی معاونت کرے گی۔
