آئی ایم ایف نے پاکستانی عوام کو مہنگائی کم ہونے کی نوید سنا دی

آئی ایم ایف نے پاکستانی عوام کو مہنگائی کم ہونے کی نوید سنا دی

اسلام آباد: عالمی مالیاتی فنڈ (آئی ایم ایف) نے عوام الناس کو مہنگائی کم ہونے کی نوید سنا دی۔

آئی ایم ایف کے ساتھ اجلاس میں مشیر خزانہ اور سیکرٹری خزانہ ہی غائب

ہم نیوز کے مطابق پاکستان میں موجود آئی ایم ایف کے وفد نے مذاکرات کو حتمی شکل دینے کے بعد جاری کردہ اعلامیہ میں کہا ہے کہ پاکستان نے آئی ایم ایف قرض پروگرام کے طے کردہ تمام اہداف پورے کیے ہیں۔

جاری کردہ اعلامیہ میں کہا گیا ہے کہ دسمبر تک تمام شعبوں میں بہتری ریکارڈ کی گئی اور زرمبادلہ کے ذخائر میں اضافہ توقعات سے بھی بہتر رہا۔

اعلامیہ میں کہا گیا ہے کہ پاکستان کی معیشت نے گذشتہ چند ماہ میں قابل ذکر ترقی کی، مستحکم اقتصادی پالیسوں سے اصلاحات کے عمل میں تیزی لائی گئی۔ آئی ایم ایف نے تسلیم کیا ہے کہ گذشتہ سال دسمبر تک تمام شعبوں میں کاکردگی بہتری رہی۔

بلاول بھٹو نے آئی ایم ایف کے ساتھ مالیاتی معاہدے پر نظر ثانی کا مطالبہ کر دیا

آئی ایم ایف نے مؤقف اختیار کیا ہے کہ پاکستان سے بات چیت مثبت رہی اور مالیاتی خسارہ کم ہوا۔ ہم نیوز کے مطابق اعلیٰ سطحی وفد نے کہا ہے کہ پاکستان میں ایکس چینج ریٹ حقیقت کےقریب ہے۔

جاری کردہ اعلامیہ میں کہا گیا ہے کہ مہنگائی میں ایکس چینج ریٹ کےاثرات کم ہونا شروع ہوئے ہیں اور زرمبادلہ کے ذخائر بہتر ہوئے ہیں۔

ہم نیوز کے مطابق پاکستان اور آئی ایم ایف کے درمیان ہونے والے مذاکرات کے حوالے سے وزرات خزانہ کے ترجمان عمر حمید خان نے جاری کردہ بیان میں کہا ہے کہ آئی ایم ایف کا اسٹاف لیول وفد جائزہ مذاکرات مکمل کرکے روانہ ہوگیا ہے۔

ترجمان کے مطابق آئی ایم ایف کا اسٹاف لیول وفد نے دسمبر تک اقتصادی کارکردگی کو اہداف کے مطابق قرار دیا ہے اور کہا ہے کہ دسمبر تک کی سہ ماہی میں اسٹرکچرل بینچ مارک بھی حاصل ہوئے ہیں۔

ہم نیوز کے مطابق عمر حمید خان نے مؤقف اختیار کیا ہے کہ آئی ایم ایف کے وفد نے اعتراف کیا ہے کہ ہر شعبے میں پیش رفت ہوئی ہے اور کامیابیاں حاصل کی گئی ہیں۔

آئی ایم ایف پروگرام میں جانے سے بہتر حکومت مشکل فیصلے خود کرے، ڈاکٹر شمشاد اختر

وفاقی وزارت خزانہ کے ترجمان نے توقع ظاہر کی ہے کہ آئی ایم ایف بورڈ جائزہ مشن کی سفارشات منظور کردے گا۔

متعلقہ خبریں

ٹاپ اسٹوریز