اسلام آباد: پاکستان سپر لیگ (پی ایس ایل) کے پانچویں سیزن کا آفیشل گانا تو اب معروف گلوکار علی ظفر ہی بنا رہے ہیں مگر ویڈیو بنانے کے لیے انہوں نے اپنے مداحوں کو دعوت دے دی ہے۔
پی ایس ایل 5 کا آفیشل سانگ ’تیار ہو‘ عوام کو ایک آنکھ نہیں بھایا تھا۔ ’تیار ہو‘ پر شدید تنقید کی گئی تھی اور عوام نے کھل کر اس گانے کے لیے ناپسندیدگی کا اظہار کیا گیا تھا۔
یہ بھی پڑھیں: پی ایس ایل افتتاحی تقریب: کس فنکار نے کیا کہا؟
گانے کے لیے ناپسندیدگی کے اظہار کے ساتھ ہی عوام نے پاکستان کرکٹ بورڈ (پی س بی) سے مطالبہ کیا تھا کہ پی ایس ایل کے آفیشل گانے کے لیے علی ظفر کی خدمات حاصل کی جائیں۔
پی سی بی نے تو اس ضمن میں کوئی قدم نہیں اٹھایا تاہم علی ظفر نے ذاتی طور پر پی ایس ایل کا نغمہ بنانے کا بیڑا اٹھایا، گلوکار نے ایک ویڈیو پیغام کے ذریعے اپنے مداحوں کو خوشخبری سنائی تھی کہ ’بھائی آ رہا ہے‘۔
Bhaee Aa Raha hai! #bhaeehazirhai pic.twitter.com/amrYUgt01O
— Ali Zafar (@AliZafarsays) February 23, 2020
علی ظفر کے اس پیغام کا مداحوں نے بہت گرم جوشی سے خیرمقدم کیا اور ان کے گانے کا بے چینی سے انتظار کرنے لگے۔
اب علی ظفر ایک نئے پلان کے ساتھ سامنے آئے ہیں اور گانے کی ویڈیو بنانے کے لیے انہوں نے اپنے مداحوں کو دعوت دے دی ہے۔
یہ بھی پڑھیں: علی ظفر پی ایس ایل کے نغمے کے حق میں بول اٹھے
علی نے ایک ویڈیو پیغام ریلیز کیا جس میں انہوں نے عوام کو اپنے بنائے گئے گانے کی ویڈیو میں ان کے ساتھ پرفارم کرنے کا سنہری موقع فراہم کرنے کا اعلان کیا۔
Lo G! The song is ready. Now time for the video. But this time, you can be the star and feature in it. Watch this video to understand what you need to do! You can see the longer version on my YouTube and subscribe https://t.co/gBub1wo5R7 #bhaeehazirhai pic.twitter.com/0Oo0RMbx42
— Ali Zafar (@AliZafarsays) February 24, 2020
گلوکار نے ڈانس کے آسان سے اسٹیپس بتائے اور اپنے مداحوں سے کہا کہ ان اسٹیپس کی ویڈیو بنا کے شیئر کریں۔
علی ظفر نے کہا کہ گانا میں نے بنایا ہے، ویڈیو بنائیں گے آپ، بہت آسان ہے، اپنا فون نکالیں، یا کوئی اچھا دوست ہے جس کے پاس کیمرا ہے، یا وہ ڈائریکٹر ہے، یا کوریوگرافر ہے، یا فلم ساز ہے تو اس کو بلائیں، دوستوں کو ساتھ میں اکٹھے کریں، یا اکیلے میں کریں، جو ڈانس اسٹیپس میں آپ کو ابھی کرکے دکھاؤں گا وہ کریں ویڈیو بنائیں اور نیچے دیے گئے آئی ڈی پر بھیجیں‘۔
