اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ پہلا روزہ 25 اپریل کو ہو گا۔
وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر لکھا ہے کہ رمضان المبارک کا چاند 24 اپریل کو پورے ملک میں دیکھا جا سکے گا اور 25 اپریل کو پہلا روزہ ہو گا۔
انہوں نے انکشاف کیا کہ رویت ہلال کمیٹی نے ذیعقد اور رجب دونوں مہینوں کے چاند کی غلط تاریخ دی۔
انشااللہ رمضان المبارک کا چاند 24 اپریل کو پورے ملک میں دیکھا جا سکے گا اور25 اپریل کوپہلاروزہ ہو گا،روئت ھلال کمیٹی نے ذیعقداور رجب دونوں کی غلط تاریخ دیں 5 مارچ کو پارلیمان کی مذہبی امور کی کمیٹیوں کو بریفنگ دیں گے کہ عید اور اسلامی تہوار تقسیم نہیں اتحاد کا باعث بننے چاہئیں۔
— Ch Fawad Hussain (@fawadchaudhry) February 27, 2020
فواد چوہدری کا کہنا تھا 5 مارچ کو پارلیمان کی مذہبی امور کی کمیٹیوں کو بریفنگ دیں گے کہ عید اور اسلامی تہوار تقسیم نہیں بلکہ اتحاد کا باعث بننے چاہیئیں۔
یہ بھی پڑھیں ہماری امن پسندی کو کمزوری نہ سمجھا جائے، فردوس عاشق اعوان
فواد چوہدری نے ہم نیوز سے خصوصی بات کرتے ہوئے کہا کہ قومیں اپنے فیصلے خود کرتی ہیں ہمارے علما تو چھوٹے چھوٹے مسائل پر بھی متحد نہیں ہیں۔ ہم پاکستانی سرحد کے اندر ہی چاند دیکھتے ہیں۔
یہ بھی پڑھیں کورونا وائرس: سعودی عرب نے پاکستانی عمرہ زائرین پر پابندی لگا دی
واضح رہے کہ وزارت سائنس و ٹیکنالوجی نے اسلامی کلینڈر جاری کر رکھا ہے۔
