اسلام آباد: وفاقی حکومت نے سینئر پولیس آفیسر مشتاق مہر کو نیا آئی جی سندھ تعینات کردیا ہے۔ اس حوالے سے باقاعدہ نوٹیفکیشن جاری کردیا گیا ہے۔
اسی طرح سندھ کے آئی جی ڈاکٹرکلیم امام کو آئی جی نیشنل ہائی وے اور موٹر ویے پولیس تعینات کردیا گیا۔ کلیم امام پولیس سروس گریڈ 21 کے افسر ہیں۔ کلیم امام کو آج ہی آئی جی سندھ کے عہدے سے ہٹایا گیا تھا۔
معاون کصوصی فردوس عاشق اعوان نے اس حوالے سے ٹویٹ کرتے ہوئے کہا ہے کہ مشتاق مہر کو آئی جی سندھ تعینات کردیا گیا ہے۔
انہوں نے کہا کہ وفاقی کابینہ نےمشتاق مہر کوآئی جی سندھ تعینات کرنے کی منظوری دے دی ہے۔ مشتاق مہر کوسندھ حکومت کے مطالبے پر آئی جی سندھ تعینات کیاگیاہے
فردوس عاشق اعوان نے کہا کہ نئے آئی جی کی تعیناتی سندھ حکومت کے مطالبے اور گورنر کی مشاورت سے کی گئی ہے۔ امید کرتے ہیں نئے آئی جی سیاسی وابستگیوں سے بالاتر ہو کر سندھ میں امن وامان کے قیام اور جرائم کی بیخ کنی کو یقینی بنائیں گے۔
وفاقی کابینہ نے مشتاق مہر کو آئی جی سندھ تعینات کرنے کی منظوری دے دی۔ نئے آئی جی کی تعیناتی سندھ حکومت کے مطالبے اور گورنر کی مشاورت سے کی گئی ہے۔ امید کرتے ہیں نئے آئی جی سیاسی وابستگیوں سے بالاتر ہو کر سندھ میں امن وامان کے قیام اور جرائم کی بیخ کنی کو یقینی بنائیں گے۔
— Dr. Firdous Ashiq Awan (@Dr_FirdousPTI) February 28, 2020
خیال رہے کہ اس سے قبل وزیراعظم عمران خان نے صوبہ سندھ میں ایسا پولیس انسپکٹر جنرل (آئی جی) تعینات کرنے کا عندیہ دیا تھا جو سیاسی مقاصد کے لیے استعمال نہ ہوں۔
ذرائع کے مطابق وزیراعظم کی زیر صدارت پارٹی رہنماوں کے اجلاس میں سندھ میں نئے پولیس آئی جی کی تعیناتی سے متعلق غوروخوص کیا گیا تھا۔
ذرائع کے مطابق اجلاس سے خطاب کرتے ہوئے عمران خان نے کہا کہ سندھ میں ایسا پولیس آفیسر لگائیں گے جو کسی بھی سیاسی دباؤ میں آئے بغیر کام کرسکے۔
