معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیراعظم نے کورونا وائرس کے متعلق تمام صوبائی حکومتوں سے اقدامات اور انتظامات کی رپورٹ طلب کر لی ہیں۔
سماجی رابطوں کی ویب سائٹ ٹوئٹر پر انہوں نے لکھا کہ عوام میں آگاہی اور شعور بیدار کرکے ان کے تحفظ کو یقینی بنائیں گے اور باقی امراض کی طرح اسے بھی شکست دیں گے۔ وزیراعظم عمران خان کا عزم ہے کہ ’کرونا وائرس سے ڈرنا نہیں لڑنا ہے‘۔
کوئٹہ، لاہور، اسلام آباد اور کراچی میں مرض کی تشخیص کی سہولیات فراہم کر دی گئی ہیں۔ ذہن میں رکھنا چاہئیے کہ اس مرض کے 98 فیصدسے زائد صحت مند ہوجاتے ہیں۔ #کورونا_سے_ڈرنا_نہیں_لڑنا_ہے
— Dr. Firdous Ashiq Awan (@Dr_FirdousPTI) February 29, 2020
ڈاکٹر فردوس عاشق اعوان نے لکھا کہ کوئٹہ، لاہور، اسلام آباد اور کراچی میں مرض کی تشخیص کی سہولیات فراہم کر دی گئی ہیں۔ ذہن میں رکھنا چاہئیے کہ اس مرض کے 98 فیصدسے زائد صحت مند ہوجاتے ہیں لہذا زیادہ تشویش اور پریشانی کی بات نہیں۔
وزیراعظم عمران خان کا عزم ہے کہ “کرونا وائرس سے ڈرنا نہیں لڑنا ہے”۔اس ضمن میں تمام صوبائی حکومتوں سے اقدامات اور انتظامات کی رپورٹ طلب کر لی گئی ہے۔عوام میں آگاہی اورشعور بیدار کرکے ان کے تحفظ کو یقینی بنائیں گے۔باقی امراض کی طرح اسے بھی شکست دیں گے۔#کورونا_سے_ڈرنا_نہیں_لڑنا_ہے
— Dr. Firdous Ashiq Awan (@Dr_FirdousPTI) February 29, 2020
انہوں نے لکھا کہ کورونا وائرس سے نبرد آزما ہونے کیلئے تمام ضروری اقدامات کو یقینی بنایا جا رہا ہے۔ یہ لاعلاج نہیں قابلِ علاج مرض ہے۔ اس سے خوفزدہ ہونے کی ضرورت نہیں۔
یہ بھی پڑھیں: اسلام آباد: ماسک مہنگے داموں فروخت کر نے پر پابندی
بطور مسلمان یہ دعا بھی ہمیں پڑھنی چاہئے تاکہ اس مرض سے عافیت اور حفاظت میں رہیں۔ حفاظتی تدابیر اختیار کرناخصوصا صفائی کا اہتمام لازم ہے۔ مسلمانوں کیلئے تو “صفائی نصف ایمان ہے”۔
کرونا وائرس سے نبرد آزما ہونے کیلئے تمام ضروری اقدامات کو یقینی بنایا جا رہا ہے۔یہ لاعلاج نہیں قابلِ علاج مرض ہے۔ اس سے خوفزدہ ہونے کی ضرورت نہیں۔البتہ حفاظتی تدابیر اختیار کرناخصوصا صفائی کا اہتمام لازم ہے۔ مسلمانوں کیلئے تو “صفائی نصف ایمان ہے”۔#کورونا_سے_ڈرنا_نہیں_لڑنا_ہے
— Dr. Firdous Ashiq Awan (@Dr_FirdousPTI) February 29, 2020
پنجاب میں کورونا وائرس سے متعلق قائم کیے گئے مانیٹرنگ سیل نے خبر دی ہے کہ صوبہ بھر میں اس وقت کورونا کا کوئی مریض زیر علاج نہیں تاہم 4 مشتبہ مریض آئسولیشن وارڈز میں موجود ہیں۔
صوبہ بھر کے ڈسٹرکٹ، تحصیل اور سپیشلائزڈ ہیلتھ کیئر اسپتالوں میں 18 مشتبہ مریض داخل ہوئے تھے جن کو کلئیر قرار دیتے ہوئے ڈسچارج کیا جا چکا ہے۔
ترجمان پرائمری اینڈ سکینڈری ہیلتھ کئیر ڈیپارٹمنٹ کا کہنا تھا کہ مختلف علاقوں سے سامنے آنیولے4 مشتبہ مریضوں میں ابھی تک کرونا وائرس کی علامات ظاہر نہیں ہوئیں۔ اب تک پنجاب بھر کے اسپتالوں میں داخل کسی بھی مریض میں کرونا وائرس کی تصدیق نہیں ہوئی۔