اسلام آباد: شوبز کی معروف جوڑی شہروز سبزواری اور ان کی اہلیہ سائرہ یوسف نے اپنے درمیان باقاعدہ طور طلاق ہونے کی تصدیق کر دی۔
شہروز سبزواری اور ان کی اہلیہ سائرہ شہروز جن میں علیحدگی کی خبریں کچھ عرصہ سے سوشل میڈیا پر زیر گردش تھیں نے بالآخر راہیں جدا کر لیں۔
ابتدائی طور پر شہروز سبزواری ایک ویڈیو پیغام جاری کیا تھا جس میں انہوں نے ان طلاق کی خبروں کی تردید کی تھی اور کہا تھا کہ ان دونوں میں اختلافات کی وجہ سے صرف علیحدگی ہوئی ہے طلاق نہیں، ہم دونوں کچھ عرصہ علیحدہ رہ کر ایک دوسرے کو اور اپنے رشتے کو موقع دینا چاہتے ہیں۔
یہ بھی پڑھیں: سائرہ سے علیحدگی ہوئی ہے طلاق نہیں، اداکار شہروز سبزواری نے خاموشی توڑ دی
تاہم اب سوشل میڈیا پر ایک ہی وقت پر دونوں کی جانب سے شیئر کی گئی پوسٹ کے ذریعے شہروز اور سائرہ کے درمیان باقاعدہ علیحدگی کی تصدیق ہو گئی ہے۔
View this post on Instagram
سوشل میڈیا پر شیئر کیے گئے پیغام کے مطابق دونوں نے ذاتی اختلافات کی بنا پر اپنی شادی کو باقاعدہ طور پر ختم کرنے کا اعلان کیا ہے۔
دونوں نے مزید لکھا کہ ہمارے لیے یہ وقت ہمارے لیے انتہائی مشکل ہے تاہم ہم امید کرتے ہیں کہ ہم دونوں اپنی بیٹی کے لیے بہترین والدین بنیں اور ہماری خواہش ہے کہ وہ اپنی زندگی کو انجوائے کرے اور زندگی میں محبت اور عزت حاصل کرے۔
اس کے علاوہ دونوں نے میڈیا اور عوام سے درخواست کی کہ اس مشکل وقت میں ان کی پرائیویسی اور نجی زندگی کا خیال رکھا جائے۔
View this post on Instagram
شہروز سبزواری اور سائرہ 2012 میں شادی کے بندھن میں بندھے تھے اور دونوں کی ایک بیٹی نورے بھی ہے۔
یہ بھی پڑھیں: اداکار شہروز سبزواری اور سائرہ شہروز کی راہیں جدا ہو گئیں؟
سوشل میڈیا صارفین اسٹار جوڑی میں علیحدگی کی وجہ ماڈل صدف کمال کو قرار دے رہے ہیں۔
سائرہ اور شہروز کی جوڑی کو شوبز کی بہترین جوڑیوں میں سے ایک تصور کیا جاتا تھا۔
