اسلام آباد: وزیر اعظم کی معاون خصوصی ڈاکٹر فردوس عاشق اعوان نے کہا ہے کہ وجود کی نمائش خود عورت کی توہین ہے۔
وزیر اعظم عمران خان کی معاون خصوصی برائے اطلاعات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر کہا ہے کہ ہر مسلمان عورت کا رول ماڈل حضرت فاطمتہْ الزہرا کی سیرت طیبہ اور امہات المومنین جیسی جلیل القدر ہستیاں ہیں۔ پہلی مسلمان خاتون حضرت خدیجہ الکبریٰ رضی اللہ عنہا تجارت پیشہ تھیں۔
انہوں نے کہا کہ اسلامی تاریخ کے یہ روشن کردار ہمارے لیے مشعل راہ ہیں۔
ہر مسلمان عورت کا رول ماڈل حضرت فاطمتہْ الزہراکی سیرت طیبہ اور امہات المومنین جیسی جلیل القدر ہستیاں ہیں ۔ پہلی مسلمان خاتون حضرت خدیجہ الکبریٰ تجارت پیشہ تھیں ۔ اِسلامی تاریخ کے یہ روشن کردار ہمارے لئے مشعل ِراہ ہیں ۔
— Dr. Firdous Ashiq Awan (@Dr_FirdousPTI) March 5, 2020
معاون خصوصی نے کہا کہ وزیر اعظم عمران خان کی قیادت میں موجودہ حکومت خواتین کے ہر قسم کے استحصال کے خلاف ہے اور ان کے آئینی، قانونی، سیاسی، سماجی اور معاشی حقوق کے تحفظ کے لیے پرعزم ہے۔
یہ بھی پڑھیں خلیل الرحمان قمر کی ماروی سرمد سے بد تمیزی
انہوں نے کہا کہ عورتوں کے حق وراثت سے لے کر زینب الرٹ بل کی منظوری تک کے اقدامات عورتوں کے حقوق کے لیے حکومت کے پختہ عزم اور سوچ کا واضح اظہار ہے۔
وزیراعظم عمران خان کی قیادت میں موجودہ حکومت خواتین کے ہرقسم کے استحصال کے خلاف ہے اورانکے آئینی،قانونی،سیاسی، سماجی اورمعاشی حقوق کے تحفظ کیلئے پرعزم ہے۔عورتوں کے حق وراثت سے لے کر زینب الرٹ بل کی منظوری تک کے اقدامات عورتوں کے حقوق کیلئے حکومت کے پختہ عزم اورسوچ کاواضح اظہارہے
— Dr. Firdous Ashiq Awan (@Dr_FirdousPTI) March 5, 2020
ڈاکٹر فردوس عاشق اعوان نے کہا کہ وجود کی نمائش خود عورت کی توہین ہے اور خاتون کی عزت و وقار اس کی حیا ہے۔ میڈیا یا کسی بھی فورم پہ عورت کی تضحیک و تذلیل ناقابلِ قبول رویہ ہے۔
یہ بھی پڑھیں لبرل ازم کو پاکستان میں کبھی پروان نہیں چڑھنے دیں گے، خلیل الرحمان قمر
انہوں نے نجی ٹی وی چینل پر پیش آنے والے واقعے پر افسوس کا اظہار کرتے ہوئے کہا کہ میڈیا کو ایسے حساس معاملات پر زیادہ ذمہ داری کا مظاہرہ کرنا چاہیے۔
وجود کی نمائش خود عورت کی توہین ہے۔خاتون کی عزت و وقار اس کی حیا ہے ۔ میڈیا یا کسی بھی فورم پہ عورت کی تضحیک و تذلیل ناقابلِ قبول رویہ ہے۔ٹی وی چینل پر پیش آنے والا واقعہ قابل افسوس ہے ۔ میڈیا کو ایسے حساس معاملات پر زیادہ ذمہ داری کا مظاہرہ کرنا چاہیے ۔
— Dr. Firdous Ashiq Awan (@Dr_FirdousPTI) March 5, 2020