اسلام آباد: معاون خصوصی برائے اطلاعات و نشریات فردوس عاشق اعوان نے پاکستان مسلم لیگ نواز کی رہنما مریم نواز کو مخاطب کرتے ہوئے کہا ہے کہ ضمانت ملنے کے باوجود ایسی کیا زنجیر ہے جس نے آپ کو جکڑا ہوا ہے؟۔
مریم نواز کی اسلام آباد میں میڈیا سے گفتگو پر تبصرہ کرتے ہوئے اپنے ایک ٹوئٹ میں انہوں نے کہا کہ مریم نواز صاحبہ آپ کونسی زنجیروں میں جکڑی ہوئی ہیں؟ زنجیریں توڑ کر اپنی آزادی کا اعلان کیوں نہیں کرتیں؟ صاف چھپتے بھی نہیں سامنے آتے بھی نہیں۔
مریم نواز صاحبہ آپ کونسی زنجیروں میں جکڑی ہوئی ہیں؟ ضمانت ملنے کے باوجود ایسی کیا زنجیر ہے جس نے آپ کو جکڑا ہوا ہے؟زنجیریں توڑ کر اپنی آزادی کا اعلان کیوں نہیں کرتیں؟” صاف چھپتے بھی نہیں سامنے آتے بھی نہیں”.
— Dr. Firdous Ashiq Awan (@Dr_FirdousPTI) March 12, 2020
فردوس عاشق اعوان نے مزید کہا کہ ایک بار پھر میڈیا میں آپ کی رونمائی صرف ذاتی درد کیلئے ہے۔ وزیر اعظم عمران خان قوم کو آپ کے دیے ہوئے دکھوں اور دردوں کا مداوا بڑے احسن انداز سے کر رہے ہیں۔
مزید پڑھیں: خاموشی کی بہت ساری وجوہات ہو سکتی ہیں، مریم نواز
پاکستان کے عوام کو اب آپ مزید گمراہ نہیں کر سکتے ۔ عوام جانتے ہیں کہ جب بھی لیگی قیادت اقتدار سے محروم ہوئی ، انہوں نے پاکستان رہنا پسند نہیں کیا ۔ آپ نے سویئلینز اور عوام سے زیادہ اپنے سوٹ کیسوں سے وفا کی جنہیں آپ ہمیشہ ساتھ لے گئے ۔
— Dr. Firdous Ashiq Awan (@Dr_FirdousPTI) March 12, 2020
انہوں نے کہا کہ پاکستان کے عوام کو اب آپ مزید گمراہ نہیں کر سکتے ہیں۔ عوام جانتے ہیں کہ جب بھی لیگی قیادت اقتدار سے محروم ہوئی، انہوں نے پاکستان رہنا پسند نہیں کیا۔
فردوس عاشق اعوان نے کہا کہ آپ نے سویلین اور عوام سے زیادہ اپنے سوٹ کیسوں سے وفا کی، جنہیں آپ ہمیشہ ساتھ لے گئیں۔