کراچی: وفاقی وزیر برائے بحری امور علی زیدی نے میرین اکیڈیمی کو 31 مئی تک بند رکھنے کا اعلان کردیا تاہم تاہم کیڈٹس کی کلاسز اور اسائنمنٹ آن لائن جمع ہوں گے۔
اپنے ٹوئٹر پیغام میں ان کا کہنا تھا کہ میرین اکیڈیمی کے روزمرہ کے انتظامی امور چلتے رہیں گے۔
In order to ensure safety of our cadets against exposure to corona virus, Pakistan Marine Academy is being closed from 13th Mar till 31st May 2020.
However, routine administrative functions will continue.
Efforts are being made to conduct classes & assignments online.— Ali Haider Zaidi (@AliHZaidiPTI) March 12, 2020
علی زیدی کے مطابق یہ فیصلہ کیڈٹس کو کورونا وائرس سے بچانے کےلیے اٹھایا گیا ہے۔
گزشتہ روز وزیراعلیٰ سندھ سید مراد علی شاہ کی زیرصدارت اہم اجلاس کے دوران صوبے میں تعلیمی ادارے 30 مئی تک بند کرنے کا فیصلہ کیا گیا تھا۔
تعلیمی ادارے 30 مئی تک بند کرنے کے ساتھ ہی نویں اور دسویں جماعتوں کے امتحانات بھی منسوخ کرنے کا فیصلہ کیا گیا تھا۔
مزید پڑھیں: کورونا: سندھ میں تعلیمی ادارے 30 مئی تک بند کرنے کا فیصلہ
سندھ میں تعلیمی ادارے پہلے ہی کورونا وائرس کے خطرے کے پیش نظر حفظ ماتقدم کے طور پر15 مارچ تک بند کردیے گئے تھے۔
سندھ کے وزیر تعلیم سعید غنی نے کہا ہے کہ صوبے کے تمام تعلیمی ادارے 30 مئی تک موسم گرما کی تعطیلات کے لیے بند رہیں گے۔
انہوں نے کہا کہ نویں اور دسویں جماعتوں کے 16 مارچ سے شروع ہونے والے امتحانات بھی منسوخ کردیے گئے ہیں۔
انہوں نے واضح کیا ہے کہ تمام تعلیمی ادارے گرمیوں کی تعطیلات کے بعد یکم جون 2020 کو دوبارہ کھل جائیں گے۔
