واشنگٹن: عالمی وبا کروناوائرس بحران سے نمٹنے کے لیے امریکی صدر ٹرمپ آج ملک بھر میں ہنگامی حالت نافذ کرنے اعلان آج کریں گے۔
غیر ملکی خبر رساں ایجنسی رائٹرز کے مطابق سٹافورڈ ایکٹ کے تحت ہنگامی حالت کے نفاذ کے بعد وفاقی حکومت کورونا وائرس سے نمٹنے کے لیے ریاستوں کو مزید مدد فراہم کرسکے گی۔
خبر رساں ادارے کے مطابق صدر ٹرمپ ملک بھر میں ہنگامی حالت کے نفاذ کا اعلان امریکی وقت کے مطابق تین بجے کریں گے۔
خبر رساں ادرے کے مطابق صدر ٹرمپ پر متعدی بیماری سے نمٹنے کے لیے دباؤ بڑھ رہا ہے۔ ہنگامی حالت کے نفاذ کے بعد فیڈرل ایمرجنسی مینجمنٹ ایجنسی کو ریاستوں اور مقامی حکومتوں کو تباہی سے نمٹنے والے فنڈز کی فراہمی اور معاوت کی اجازت ہوگی۔
اس سے قبل صدر ٹرمپ نے اپنے ٹوئٹر پیغام میں امریکی عوام سے کورونا وائرس سے نہ گھبرانے کا کہتے ہوئے کہا تھا کہ پچھلے سال زکام سے اس 37 ہزار امریکی جاں بحق ہوئے تھے لیکن کوئی چیز بند نہیں ہوئی۔
So last year 37,000 Americans died from the common Flu. It averages between 27,000 and 70,000 per year. Nothing is shut down, life & the economy go on. At this moment there are 546 confirmed cases of CoronaVirus, with 22 deaths. Think about that!
— Donald J. Trump (@realDonaldTrump) March 9, 2020
اپنے ٹویٹ میں انہوں نے مزید کہا تھا کہ زکام سے امریکہ میں اوسطاً 27 سے 70 ہزار ہلاکتیں ہوتی ہیں، لیکن کوئی چیز بند نہیں ہوتی ہے۔ اس وقت ملک بھر میں کورونا وائرس کے 546 تصدیق شدہ کیسز رپورٹ ہوئے ہیں جبکہ 12 اموات ہوئی ہیں۔ گھبرانے کے بجائے اس بارے میں سوچیں۔
دریں اثناء امریکی شہر نیویارک میں 500 سے زائد افراد کے اجتماع پر پابندی عائد کردی گئی ہے۔ گورنر نیویارک کے مطابق پابندی کا مقصد کورونا وائرس کو پھیلنے سے روکنا ہے۔
دریں اثناء کوروناوائرس کے خدشے کے پیش نظر انگلینڈ میں ہونے والے مقامی انتخابات ایک سال کے لیے ملتوی کردیے گئے ہیں۔ انگلینڈ میں مقامی انتخابات 7 مئی کو ہونا تھے۔