وفاقی اور صوبائی بورڈز کے امتحانات ملتوی


اسلام آباد: کورونا وائرس کے پیش نظر وفاقی اور صوبائی بورڈز کے زیر انتظام ہونے والے امتحانات بھی ملتوی کر دیے گئے ہیں۔

وفاقی وزیر تعلیم شفقت محمود نے اپنے ٹوئٹ میں کہا ہے کہ موجودہ صورتحال کے پیش نظر آج وفاقی اورصوبائی وزرائے تعلیم اور اعلی تعلیم کے عہدیداروں کا اجلاس منعقد ہوا۔

انہوں نے کہا کہ وفاقی اور صوبائی بورڈ کے امتحانات اب یکم جون سے 15 جولائی کے درمیان منعقد ہونگے۔ ہر بورڈ اپنا ٹائم ٹیبل جاری کرے گا۔

وفاقی وزیر تعلیم کے مطابق اجلاس میں فیصلہ کیا گیا ہے کہ مئی اور جون میں کیمبرج بورڈ کے او اور اے لیول کے امتحانات ملتوی کردیے جائیں گے۔ کیمبرج بورڈ امتحانات کی نئی تاریخوں کا اعلان کرے گا۔


متعلقہ خبریں