لندن: برطانوی کرکٹر اور پاکستان سپر لیگ میں کراچی کنگز کی نمائندگی کرنے والے بلے باز ایلکس ہیلز نے کورونا کا ٹیسٹ مثبت آنے سے متعلق خبروں کی تردید کر دی ہے۔
Stop spreading fake news, dangerous behaviour
— Alex Hales (@AlexHales1) March 17, 2020
سماجی رابطے کی ویب سائٹ ٹوئٹر سے جاری اپنے پیغام میں انہوں نے لکھا ہے کہ جعلی خبریں پھیلانے سے گریز کریں، یہ خطرناک عمل ہے۔
An update on my situation, stay safe everyone pic.twitter.com/8mDPOBGmI8
— Alex Hales (@AlexHales1) March 17, 2020
انہوں نے کہا کہ دیگر غیر ملکی کھلاڑیوں کی طرح میں نے بھی کورونا وائرس کے پیش نظر پاکستان سپر لیگ چھوڑنے کا فیصلہ کیا۔
ان کا کہنا ہے کہ مشکل وقت میں خاندان سے میلوں دور رہنے کے بجائے ان کے ساتھ رہنے کا فیصلہ کیا۔
ایلکس ہیلز نے بتایا کہ وہ ہفتے کی صبح برطانیہ پہنچے اور ان کی صحت بالکل ٹھیک تھی۔
ان کا کہنا تھا کہ اتوار کی صبح مجھے بخار اور خشک کھانسی کی شکایت ہوئی جس پر حکومت کی ہدایت پر آئسولیشن میں چلا گیا ہوں ۔