کراچی: بھارت کی بدنام زمانہ خفیہ ایجنسی ’را‘ کے کراچی چیپٹر کا دہشت گرفتار کرلیا گیا۔
ہم نیوز کے مطابق ایڈیشنل آئی جی غلام نبی میمن کا کہنا ہے کہ پولیس نے انٹیلی جنس ایجسنی کی مدد سے را سے منسلک دہشت گروپ کو پکڑا ہے۔
کلبھوشن یادیو بھارت کا اصلی چہرہ ہے، ترجمان دفتر خارجہ
ایڈیشنل آئی جی کے مطابق شاہد عر ف متحدہ را کا کراچی چیپٹر میں دہشت گرد نیٹ ورک چلا رہا تھا۔ گرفتار ملزم کے متعلق ابتدائی تفتیش میں معلوم ہوا ہے کہ وہ بھارت کی بدنام زمانہ خفیہ ایجنسی را سے بھی منسلک تھا۔
غلام نبی میمن کا کہنا ہے کہ پارٹی پالیسی سے اختلاف کرنے یا ہٹنے والوں کی معلومات بھی بھارت پہنچائی جاتی تھیں۔
ہم نیوز کے مطابق دہشت گرد گروپ میں شامل افراد دہشت گردوں کو رقم بھی فراہم کرتے تھے۔
پاکستان نے اس سے قبل بھارتی خفیہ ایجنسی کے حاضر سروس دہشت گرد کلبھوشن یادیو کو بھی پکڑا تھا جس کے قبضے سے انتہائی اہم دستاویزات سمیت دیگر اشیا برآمد ہوئی تھیں۔
دہشت گردی کے خلاف جنگ بھارت نہیں پاکستان لڑ رہا ہے، ٹرمپ
گرفتار کلبھوشن یادیو پاکستان میں ہونے والی متعدد دہشت گردی کی وارداتوں میں ملوث تھا اور اس نے باقاعدہ ایک بڑا نیٹ ورک بھی قائم کررکھا تھا۔
