پاک افغان سرحد 20 روز بعد کھول دی گئی


چمن: چمن میں پاک افغان سرحد باب دوستی کو یک طرفہ تجارت کے لیے کھول دیا گیا۔

کسٹم حکام کے مطابق باب دوستی سے مال بردار ٹرک افغانستان میں داخل ہونا شروع ہو گئے ہیں۔ پہلے مرحلے میں پاکستان سے ٹرانزٹ اور ایکسپورٹ کے ٹرک اور کنٹینرز چھوڑ رہے ہیں۔ افغانستان جانے والے ٹرکوں میں پھل اور سبزی جات کا سامان شامل ہے۔

کسٹم حکام کے مطابق پاک افغان فورسز کی جانب سے پاک افغان سرحد پر سخت سیکیورٹی اقدامات کیے گئے ہیں۔ پہلے مرحلے میں 50 سے زائد خوردنی اشیاء سے لدھے ٹرک افغانستان میں داخل کیے گئے جن کی کلیئرنگ کا عمل گزشتہ روز مکمل کیا گیا تھا۔

واضح رہے کہ وزیر اعظم عمران خان نے پاک افغان سرحد گذشتہ روز کھولنے کی ہدایت کی تھی تو گذشتہ 20 روز سے ہر قسم کی آمدورفت کے لیے بند تھی۔

یہ بھی پڑھیں پاکستان میں کورونا کیسز کی تعداد 500 سے تجاوز کر گئی, 3 افراد ہلاک

وزیر اعظم عمران خان کا کہنا تھا کہ کورونا وائرس کی عالمی وبا کے باوجود پاکستان افغان بہن بھائیوں کی مدد کے لیے پرعزم ہے.


متعلقہ خبریں