کراچی: وزیر اعلیٰ سندھ سید مراد علی شاہ نے کورونا وائرس سے متاثرہ افراد کے لیے رقم عطیہ کرنے والے افراد کا شکریہ ادا کیا۔
وزیر اعلیٰ سندھ سید مراد علی شاہ نے سماجی رابطے کی ویب سائٹ ٹوئٹر پر مخیر حضرات کی جانب سے دی گئی بڑی رقم کی امداد کی تفصیلات شیئر کرتے ہوئے لکھا ہے کہ مخیر حضرات نے اپنا نام ظاہر نہ کرنے کی شرط پر بڑی رقم عطیہ کی ہے۔
وزیر اعلیٰ سندھ نے دیگر مخیر حضرات سے بھی اپیل کی ہے کہ وہ اپنے عطیات سندھ حکومت کے قائم کردہ فنڈز میں جمع کرائیں تاکہ کوورنا وائرس کے خلاف بہتر انداز میں کام کیا جا سکے۔
Although the person donating this generous amount to Sindh’s #coronavirus fund asked to not disclose their name,I’d like to thank them.And to all others who are contributing to the Fund.Thank you! Your contributions will surely make a difference!Let’s fight #coronovirus together! https://t.co/Y6LTnoj0mr
— Murad Ali Shah (@MuradAliShahPPP) March 23, 2020
وزیر اعلیٰ سندھ سید مراد علی شاہ نے گزشتہ روز مخیر حضرات سے سرکاری فنڈ میں عطیہ دینے کی اپیل کی تھی جس کے لیے سندھ بینک میں ایک اکاؤنٹ بھی قائم کیا گیا ہے۔
یہ بھی پڑھیں کورونا وائرس، امام کعبہ نے لوگوں کو گھروں میں رہنے کی ہدایت کر دی
ان کا کہنا تھا کہ لاک ڈاؤن کے دوران راشن کی تقسیم اور دیگر مسائل کے حل کے لیے کام کریں گے۔