نیو یارک: کورونا وائرس سے سب سے زیادہ متاثر ہونے والی امریکی ریاست نیویارک اسٹیٹ کے گورنر اینڈریو کوومو، امریکی اداکار وہدایتکار روبرٹ ڈی نیورو، اداکار و ہدایتکار ڈینی ڈی ویٹو اور فلمی شعبے سے تعلق رکھنے والی دیگر مشہور شخصیات نے لوگوں کو گھروں پر تلقین کی ہے۔
Danny DeVito wants you to stay home and save lives.#NewYorkStateStrongerTogether @DannyDeVito pic.twitter.com/7V8yXbqHwB
— Andrew Cuomo (@NYGovCuomo) March 22, 2020
اپنے ویڈیو پیغام میں نیویارک کے گورنر اور مشہور فلمی شخصیات نے نیویارک اسٹیٹ کے باشندوں پر زور دیا ہے کہ وہ گھروں پر رہ کر ہی خود کو اور دوسروں کو کورونا وائرس کی وبا سے بچاسکتے ہیں۔
انہوں نے اپنے پیغام میں کہا ہے کہ کورونا وائرس سے بچنے اور اس پر قابو پانے کا واحد حل احتیاط اور گھروں میں خود کو محدود کرنا اور سماجی فاصلہ رکھنا ہے۔
مزید پڑھیں: کورونا وائرس سے دنیا میں 15000سے زائد اموات
دوسری جانب نیویارک اسٹیٹ میں کورونا وائرس سے متاثرہ افراد کی تعداد 16 ہزار آٹھ سو ستاسی جبکہ ایک سو 53 افراد جاں بحق ہوئے ہیں۔ نیویارک اسٹیٹ امریکہ میں کورونا وائرس سے سب سے زیادہ متاثر ہونے والی ریاست ہے۔
Robert De Niro is watching you. Stay home. Save lives.#NewYorkStateStrongerTogether pic.twitter.com/WgAsBuIrKk
— Andrew Cuomo (@NYGovCuomo) March 23, 2020
دوسری جانب نیویارک کے گورنر اینڈریو کوومو نے ریاست میں تمام کاروبار بند رکھنے کے احکامات جاری کیے ہیں۔ نیویارک گورنر نے تاہم میڈیکل اسٹورز، اشیاء ضروریہ کی دکانیں، صحت کی دیکھ بھال کے ادارے، بینک وغیرہ کھلے رکھنے کے احکامات جاری کیے ہیں۔