11 سال سے کم عمر بچوں کو کورونا نقصان نہیں پہنچا سکتا، فوادچودھری

فائل فوٹو


اسلام آباد: وفاقی وزیر برائے سائنس و ٹیکنالوجی فواد چودھری نے کہا ہے کہ 11 سال سے کم عمر بچوں کو کورونا وائرس نقصان نہیں پہنچا سکتا تاہم گھر میں موجود 60 سال سے زائد عمر افراد کو ان سے دور رکھنا چاہیے۔

ہم نیوز کے پروگرام صبح سے آگے میں گفتگو کرتے ہوئے ان کا کہنا تھا کہ کچھ دن پہلے پتہ چلا کہ سینی ٹائزر نہیں مل رہے، ابتدائی طور پر ہم 800 سینی ٹائزر بنارہے تھے تاہم اب آٹھ ہزار روزانہ بنائیں گے۔

مزید پڑھیں: پاکستان میں کورونا کیسز کی تعداد 1000 ہوگئی

فواد چوہدری نے بتایا کہ کورونا ٹیسٹنگ کٹس بنانے کی کوشش کررہے ہیں، آٹھ ہزار والی کٹ 2000 کی بنانے کا ارادہ رکھتے ہیں۔

انہوں نے کہا کہ پاکستان انجینئرنگ کونسل وینٹی لیٹرز کی تیاری پر کام کررہی ہے جبکہ کورونا کی ویکسین بنانے میں بھی کردار ادا کریں گے، کورونا کے مریضوں کا ڈیٹا بھی اکٹھا کررہے ہیں۔

وفاقی وزیر کا کہنا تھا کہ جہلم میں 1100 افراد بیرون ملک سے آئے جن میں چار مریض میں وائرس کی تشخیص ہوگئی ہے۔

فواد چودھری کا مزید کہنا تھا کہ زیادہ تر افراد لندن سے وطن واپس آئے تھے۔


متعلقہ خبریں