اسلام آباد: قومی ائیر لائن (پی آئی اے) نے انسانی ہمدردی کی بنیادوں پر 4 خصوصی پروازیں چلانے کا فیصلہ کر لیا ہے۔
ترجمان پی آئی اے کے مطابق پی آئی اے کی تین پروازیں برطانیہ اور ایک کینیڈا جائے گی،پی کے 781 بروز جمعہ 27 مارچ کو لاہور سے ٹورنٹو کیلئے روانہ ہوگی۔
انہوں نے بتایا کہ پی کے 709 بروز ہفتہ 28 مارچ اسلام آباد سے مانچسٹر روانہ ہوگی ،پی کے 757 بروز ہفتہ 28 مارچ اسلام آباد سے لندن جائے گی ۔
اس کے علاوہ پی کے 9791 بروز ہفتہ 28 مارچ اسلام آباد سے برمنگھم جائے گی جبکہ تمام چار پروازیں واپس خالی آئیں گی۔
ترجمان کا کہنا تھا کہ پروازوں پر بکنگ شروع ہوگئی ہے اور پہلے آئیے کی بنیاد پر فروخت جاری ہے، ٹکٹوں کے حصول کیلئے پی آئی اے اور ایجنٹس کے دفاتر یا کال سینٹر سے رابطہ کریں۔
