کراچی: چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ کورونا وائرس کے پیش نظر حکومت کو عالمی مالیاتی فنڈ (آئی ایم ایف) سے نئی شرائط طے کرنا چاہئیں۔
اپنے ٹوئٹر پیغام میں ان کا کہنا تھا کہ ہمارا موقف رہا ہے کہ حکومت آئی ایم ایف سے دوبارہ مذاکرات کرے۔
It has been Pakistan Peoples Party’s position for some time that federal government must renegotiate its ruinous deal with the IMF. Given we are facing global pandemic government must renegotiate new terms with IMF that takes into account impact of #COVID on global economy.
— BilawalBhuttoZardari (@BBhuttoZardari) March 26, 2020
ان کا مزید کہنا تھا کہ ہم کورونا وائرس کی عالمی وبا کا سامنا کررہے ہیں لہٰذا حکومت کو آئی ایم ایف سے نئی شرائط طے کرنا چاہئیں۔
پاکستان میں کورونا وائرس کے کیسز کی تعداد 1102 ہوگئی ہے جبکہ ہلاک ہونے والوں کی تعداد آٹھ اور 21 مریض صحت یاب ہوچکے ہیں۔
سندھ میں سب سے زیادہ 417، پنجاب میں323، بلوچستان میں131، خیبر پختونخوا121، گلگت بلتستان میں84، اسلام آباد میں 25جبکہ آزاد کشمیر میں ایک کیس رپورٹ ہوا۔
گزشتہ 24 گھنٹوں کے دوران 50 نئے کیسز سامنے آئے ہیں جبکہ اسلام آباد میں وائرس سے پہلی ہلاکت ہوئی ہے۔
