راولپنڈی: اسٹار کرکٹر سہیل تنویر بھی لاک ڈاون سے متاثر دھاڑی دار افراد کی مدد کے لیے میدان میں آگئے۔
انہوں نے راولپنڈی میں بغیر تشہیر کے ضرورت مند افراد کے لیے راشن بیگز تقسیم کئے۔
سہیل تنویر نے دیگر افراد کو ترغیب دلانے کے لیے اپنے ویڈیو پیغام میں کہا ہے کہ موجودہ حالات میں سب سے زیادہ دھاڑی دار اور ڈیلی ویجر متاثر ہوا ہے۔
My brother Got more then 1000 call/msgs Tried to reach out to as many people as I could,still so many left out and feeling sorry for that but was doing it in my own capacity..i will request everyone plz keep an eye on ur surroundings and help someone if you can..
— Sohail Tanveer (@sohailmalik614) March 26, 2020
انہوں نے صاحب حثیت افراد سے اپیل کی ہے کہ اپنی استطاعت کے مطابق ان کی ضرور مدد کریں۔
ان کا کہنا تھا کہ ضرورت مند افراد کی مدد کرتے وقت خیال رکھیں کہ ان کی عزت نفس مجروح نا ہو۔
سہیل تنویر نے عوام سے کورونا وائرس سے بچاؤ کے احتیاطی تدابیر اختیار کرنے کی اپیل کرتے ہوئے کہا ہے کہ تمام لوگ گھروں میں رہیں اور غیر ضروری باہر جانے سے اجتناب کریں۔
ان کا کہنا تھا کہ ہر شخص بار بار ہاتھ دھوئے اور ماسک کا استعمال کرے۔
