چین سے امدادی سامان کا ایک اور جہاز اسلام آباد پہنچ گیا

۔—فائل فوٹو

اسلام آباد: چین سے امدادی سامان کا ایک اور جہاز اسلام آباد پہنچ گیا جس میں 15 وینٹی لیٹر، ماسک اور میڈیکل کی دوسری طبی اشیا شامل ہیں۔

چیئرمین این ڈی ایم اے نے نے جہاز کی آمد کی تصدیق کردی ہے۔ اس موقع پر چینی سفیر کا کہنا تھا کہ مشکل کی اس گھڑی میں پاکستان کےساتھ ہیں۔

کورونا وائرس کی وبا پھیلنے پر آج چین سے چوتھا جہاز امدادی سامان لے کر پاکستان پہنچا ہے۔

یہ بھی پڑھیں: کوروناوائرس، فواد چوہدری کی پاکستانی یونیورسٹیوں کے کردار پر تنقید

گزشتہ روز چینی ڈاکٹرز کی خصوصی ٹیم دوپہر دو بجے پاکستان پہنچی تھی۔

وزیر خارجہ شاہ محمود قریشی، سیکریٹری خارجہ اور چینی سفیر نے اسلام آباد ہوائی اڈے پر ان کا استقبال کیا تھا۔

اس سے قبل چین سندھ اور گلگت بلتستان حکومتوں کو بھی امدادی سامان فراہم کرچکا ہے۔

چین سے شروع ہونے والا کورونا وائرس پاکستان سمیت دنیا کے کئی ممالک کو متاثر کرچکا ہے جس کے باعث ہلاکتوں کی تعداد 30 ہزار سے تجاوز کرچکی ہے۔

یہ بھی پڑھیں پاکستان میں کورونا سے 12 افراد ہلاک، 1500 کے قریب متاثر

ورلڈومیٹر کے مطابق دنیا بھر میں کورونا وائرس سے متاثرہ افراد کی تعداد 6 لاکھ 62 ہزار سے زائد ہو گئی جبکہ ایک لاکھ 42 ہزار سے زائد افراد صحتیاب ہو چکے ہیں۔

کورونا وائرس کی وجہ سے سب سے زیادہ اموات اٹلی میں ہو چکی ہیں اٹلی میں گزشتہ 24 گھنٹے کے دوران 9 سو سے زائد اموات ہوئیں جس کے بعد اٹلی میں اموات کی تعداد 10 ہزار سے تجاوز کر گئیں جبکہ امریکہ میں 24 گھنٹے کے دوران 500 سے زائد اموات ہوئیں امریکہ میں ہلاکتوں کی مجموعی تعداد 2227 تک پہنچ گئی۔ امریکہ میں متاثرہ افراد کی تعداد ایک لاکھ 23 ہزار سے بڑھ گئیں۔

اسپین میں بھی کورونا وائرس کی حملے میں شدت برقرار ہے اور گزشتہ روز 844 افراد موت کا شکار ہوئے جس کے بعد اموات کی تعداد 5 ہزار 900 سے تجاوز کر چکی ہے جبکہ متاثرہ افراد کی تعداد 73 ہزار کی حد سے بڑھ گئی۔

متعلقہ خبریں

ٹاپ اسٹوریز