کورونا کی جنگ قوم متحد ہو کر جیتی گی، عمران خان

مودی حکومت کشمیریوں کی نسل کشی کر رہی ہے، وزیر اعظم

فوٹو: فائل

اسلام آباد: پاکستان میں کورونا وائرس کے پھیلاؤ کو روکنے اور لاک ڈاؤن کے باعث عوام کو ریلیف دینے کے لیے حکومت بہترین اقدامات کرتی نظر آ رہی ہے۔

اس ضمن میں تصاویر شیرنگ کی ایپ انسٹاگرام سے جاری پیغام میں وزیراعظم عمران خان نے کہا ہے کہ کورونا کی جنگ قوم متحد ہو کر جیتی گی۔

وزیراعظم عمران خان نے کورونا وائرس کے خلاف ٹائیگرز فورس بنانے کا بھی اعلان کر رکھا ہے۔

گزشتہ دنوں میڈیا سے گفتگو کرتے ہوئے ان کا کہنا تھا کہ کورونا کا مقابلہ کرنے کیلئے ہمیں نوجوانوں کی ضرورت ہے، نوجوانوں کی رجسٹریشن 31مارچ سے شروع کی جائےگی اور ان کے ذریعےلوگوں کےگھروں میں کھانا پہنچائیں گے۔

انہوں نے کہا کہ کھانے پینےکی اشیا بنانےوالی فیکٹریاں بھی کام کرتی رہیں گی، ملک بھر میں اشیائے خورونوش کی فراہمی نہیں روکی جائےگی۔

عمران خان نے کہا کہ امریکہ نے اپنی معیشت اور عوام کے لیے 2 ہزار ارب ڈالر کا پیکج دیا ہے جبکہ ہماری ٹیکس کولیکشن 45ارب ڈالر ہے۔

ان کا کہنا تھا کہ ہم جو بھی قدم اٹھاتے ہیں اس کے اثرات آتے ہیں، مکمل لاک ڈاوَن کی صورت میں انتہائی غریب طبقے کی فکر تھی۔

وزیراعظم نے کہا کہ سامان کی نقل وحمل کے لیے گڈز ٹرانسپورٹ کی مکمل اجازت ہوگی ،گڈز ٹرانسپورٹ پر کسی قسم کی کوئی پابندی نہیں ہوگی۔

متعلقہ خبریں

ٹاپ اسٹوریز