اسلام آباد: وزیراعظم عمران خان نے کہا ہے کہ کشمیریوں کی آبادی کو تبدیل کرنے کی بھارتی کوشش مسترد کرتے ہیں۔
اپنے ایک ٹوئٹ میں وزیراعظم نے کہا کہ ہم کشمیریوں کےساتھ کھڑے ہیں۔ مودی حکومت کی آبادی کا تناسب تبدیل کرنے کی کوششیں غیرقانونی ہیں۔
We strongly condemn the racist Hindutva Supremacist Modi Govt’s continuing attempts to illegally alter the demography of IOJK in violation of all international laws & treaties. The new Jammu and Kashmir Reorganization Order 2020 is a clear violation of the 4th Geneva Convention.
— Imran Khan (@ImranKhanPTI) April 2, 2020
انہوں نے مزید کہا کہ مودی حکومت مقبوضہ کشمیرمیں بین الاقوامی قوانین کی خلاف ورزی کررہی ہے۔
پاکستان بھارتی ریاستی دہشت گردی کو بےنقاب کرتا رہے گا۔
وزیراعظم نے کہا کہ بھارت کےموجودہ اقدامات انتہائی قابل مذمت ہیں۔ بی جے پی کی ہندوتوا حکومت نسل پرست ایجنڈے کو آگے بڑھارہی ہے ۔
وزیراعظم عمران خان نے کہا کہ اقوام متحدہ اور بین الاقوامی برادری بھارت کو بین الاقوامی خلاف ورزیوں سےروکے۔ کشمیریوں کی حق خود اردیت کی حمایت جاری رکھیں گے۔