نیویارک: اقوام متحدہ کے سیکرٹری جنرل انتونیو گوتریس نے لاک ڈاؤن کے دوران ہونے والے تشدد کے خلاف آواز بلند کی ہے۔
سماجی رابطوں کی ویب سائٹ ٹوئٹر پر شیئر کیے گئے ایک ویڈیو پیغام میں انہوں نے اہیل کی ہے کہ دنیا کے تمام ممالک گھروں میں امن سے رہیں۔
انتونیو گوتریس نے کہا کہ امن صرف جنگ کی عدم موجودگی نہیں ہے۔
Peace is not just the absence of war. Many women under lockdown for #COVID19 face violence where they should be safest: in their own homes.
Today I appeal for peace in homes around the world.
I urge all governments to put women’s safety first as they respond to the pandemic. pic.twitter.com/PjDUTrMb9v
— António Guterres (@antonioguterres) April 6, 2020
اقوام متحدہ کے سیکرٹری جنرل انتونیو گوتریس نے مزید کہا کہ لاک ڈاؤن کے دوران خواتین کو گھروں میں تشدد کا سامنا ہے۔
انہوں نے کہا کہ لاک ڈاؤن کے دوران خواتین کا تحفظ اپنے گھروں میں یقینی بنانا چاہیے۔
خیال رہے کہ اقوام متحدہ کے سیکرٹری جنرل انتونیو گوتریس نے چند روز قبل ایک پیغام میں کہا تھا کہ کورونا وائرس ساری دنیا کا مشترکہ دشمن ہے۔
یہ بھی پڑھیں: اقوام متحدہ کے 86 اراکین میں کورونا وائرس کی تشخیص
سماجی رابطوں ایپلیکیشن(ایپ) ٹوئٹر پر شیئر کیے گئے ایک پیغام میں ان کا کہنا تھا کہ دنیا میں کورونا وائرس سے متعلق غلط معلومات پھیلانا بھی باعث تشویش ہے۔
سیکرٹری جنرل اقوام متحدہ کا کہنا تھا کہ وائرس سے نمٹنے کے لیے فوری طور پر ہمیں سائنس اور حقائق کی تہہ تک پہنچنا ہوگا۔
