لندن: انگلینڈ کے سابق کرکٹر کیون پیٹرسن نے کہا ہے کہ میرے خیال میں محمد آصف پر پابندی لگنے پر دنیا کے کئی بلے باز بہت خوش ہوئے ہوں گے۔
ٹوئٹر پر ایک صارف نے محمد آصف کی باولنگ کی وہ ویڈیو شیئر کی جس میں انہوں نے کیون پیٹرسن کو آؤٹ کیا تھا۔
اس ویڈیو پر تبصرہ کرتے ہوئے ان کا کہنا تھا کہ آصف دنیا کرکٹ کے سب سے بہترین باؤلر تھے جن کا میں نے سامنا کیا، ان کا مزید کہنا تھا کہ آصف کو کھیلتے ہوئے مجھے بالکل سمجھ نہیں آتی تھی۔
I think there’s plenty batters around the world that were happy he got banned!
He was the best I faced!
I had no idea against him! https://t.co/AoN2xN2oX1— Kevin Pietersen? (@KP24) April 13, 2020
خیال رہے کہ کیون پیٹرسن سے قبل جنوبی افریقہ کے سابق کپتان اے بی ڈویلیرز نحمد آصف کی صلاحیتوں کا اعتراف کرتے ہوئے کہا تھا کہ اپنے دور کرکٹ میں انہوں نے جن بولر کا سامنا کیا ان میں سے محمد آصف سب سے زیادہ خطرناک بولر ثابت ہوئے ہیں۔
یاد رہے کہ جنوبی افریقہ کے ایک اور چوٹی کے بلے باز ہاشم آملہ نے بھی ایک انٹرویو میں آصف کے بارے میں ایسی ہی رائے کا اظہار کیا تھا۔
قومی ٹیم کے سابق کرکٹر شعیب اختر بھی محمد آصف کی اکثر تعریف کرتے رہے ہیں۔ ان کا کہنا تھا کہ آصف جیسے باولر بہت کم دیکھنے میں آئے ہیں افسوس ہے کہ ان کا کیریئر زیادہ لمبا نہیں چل سکا۔
