لاہور: پنجاب میں کورونا وائرس کے مزید 90 کیسز سامنے آ گئے صوبہ بھر میں کورونا کے کیسز کی تعداد 3391 ہو گئی ہے۔
خیال رہے کہ پاکستان میں کورونا وائرس کے سبب 135 افراد جاں بحق اور7 ہزار 25 متاثر ہوئے ہیں۔
نیشنل کمانڈ اینڈ آپریشن سنٹر کے مطابق گزشتہ 24 گھنٹے کے دوران414 نئے کیسز رپورٹ ہوئے اور11 افراد جان کی بازی ہار گئے۔
پاکستان میں کورونا وائرس سے 1765 افراد صحت یاب ہوگئے۔ ملک بھر میں گزشتہ 24 گھنٹے کے دوران 497 کیسز رپورٹ ہوئے۔
بلوچستان میں کورونا کے مزید 28 کیسز سامنے آگئے
پنجاب میں کورونا وائرس کے سب سے زیادہ 3391 مریض ہیں۔ سندھ 2008، خیبرپختونخوا993، بلوچستان303 اورگلگت بلتستان میں 245 کیسزرپورٹ ہوئے ہیں۔
وفاقی دارالحکومت اسلام آباد میں 154 اور آزادکشمیر میں 46 مریض ہیں۔ خیبرپختونخوا اور سندھ میں کورونا وائرس سے 45،45 اموات ہوئی ہیں۔
پنجاب36، بلوچستان5 اورگلگت بلتستان میں 3 افراد جان کی بازی ہارگئے ہیں۔ اسلام آباد میں کورونا وائرس سے ایک شخص جاں بحق ہوا جب کہ ملک بھر میں کوروناوائرس سے متاثرہ 44افراد کی حالت تشویشناک بتائی جا رہی ہے۔
نیشنل کمانڈ اینڈ آپریشن سنٹراسلام آباد میں کورونا وائرس سے ایک شخص جاں بحق ہوا ہے۔ کورونا وائرس سے خیبرپختونخوا میں 42 اموات ہوئی ہیں۔
گزشتہ24 گھنٹوں کے دوران5540 ٹیسٹ کیے گئے جب کہ مجموعی طور پر ملک میں 78989 افراد کے ٹیسٹ کیے جا چکے ہیں۔
مقامی سطح پرکورونا وائرس کے55 فیصد کیسز رپورٹ ہوئے جب کہ بیرون ممالک سے آنے والے کیسز کی تعداد 45 فیصد ہے۔
ملک کے 588 اسپتالوں میں 1496 افراد زیرعلاج ہیں۔ ملک میں16ہزار387افراد کوگھروں میں قرنطینہ کی سہولت دی گئی ہے۔ پاکستان میں کورونا وائرس سے1446مریض صحت یاب ہو چکے ہیں۔
پنجاب میں 216 علاقوں کو ہاٹ اسپاٹ ایریاز قرار دے کر سیل کر دیا گیا ہے جب کہ لاہور کے 12 علاقے بھی سیل کر دیئے گئے ہیں۔
ملک بھر میں جاری جزوی لاک ڈاون میں نرمی کردی گئی ہے اور برآمدی صنعت کو مکمل کھولنے کا فیصلہ کیا گیا ہے۔
آلات بنانے والے یونٹس، شیشہ بنانے والی صنعتیں، سیمنٹ اور کیمیکل پلانٹس، مائنز اور منرل یونٹس، سافٹ ویئر ڈویلپمنٹ پروگرامز، کتابوں اور اسٹیشنری کی دکانیں کھلیں گی ، تمام صنعتوں اور کاروبار کیلئے حفاظتی تدابیر اپنانا لازمی قرار دیا گیا ہے۔
پاکستان میں کورونا کیسز کی تعداد سات ہزار کے قریب، ایک سو اٹھائیس افراد چل بسے، تین ہزار سات سو سے زائد کیسز مقامی طور پر منتقل ہوئے، وزیراعظم عمران خان کی زیر صدارت نیشنل کمانڈ اینڈ آپریشن سنٹر کا اجلاس، کہا، عام آدمی کی مشکلات کو دیکھتے ہوئے محدود کاروباری سرگرمیوں کی اجازت دی، ہر فرد اپنی ذمہ داری کا احساس کرے
