اسلام آباد: وزیراعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ بلاجواز تنقید کرنے والوں کی لاعلمی پر افسوس ہی کیا جا سکتا ہے۔
سماجی رابطوں کی ویب سائٹ ٹوئٹر پر شیئر کیے گئے ایک پیغام میں فردوس عاشق اعوان نے کہا کہ وزیراعظم عمران خان نے مستحق افراد کے لیے ملکی تاریخ کا سب سے بڑا پیکج دیا ہے۔
وزیراعظم عمران خان نے1کروڑ 20 لاکھ غریب عوام کو 12000 روپے فی کس امداد دی۔ 144 ارب غریبوں میں تقسیم کیا جا رہا۔9 اپریل سے لیکر اب تک ملک بھر کے تقریباً 41 لاکھ 40 ہزار خاندانوں میں 49 ارب 68 کروڑ 5 لاکھ روپے تقسیم کیے جاچکے ہیں۔ تنقید کرنے والے ” پہلے حقائق جانیں اور پھر بولیں”۔
— Dr. Firdous Ashiq Awan (@Dr_FirdousPTI) April 18, 2020
انہوں نے کہا کہ پنجاب حکومت نے ڈاکٹرز، نرسز کو ایک ماہ کی اضافی تنخواہ دینے کا اعلان کیا ہے۔
فردوس عاشق اعوان نے لکھا کہ گریڈ ایک سے 16 تک کے خاندانوں میں 40 لاکھ اور گریڈ 17 سے اوپر 80 لاکھ کی امداد شامل ہے۔
سیاست کے بجائے تمام صوبوں میں کورونا وائرس کنٹرول کرنا اصل مشن ہے۔ عمران خان کورونا اور بھوک دونوں کے خلاف جنگ لڑ رہے ہیں۔اس جنگ میں سب ان کا ساتھ دیں کیونکہ یہ وقت سیاست کا نہیں۔
— Dr. Firdous Ashiq Awan (@Dr_FirdousPTI) April 18, 2020
معاون خصوصی اطلاعات کا کہنا ہے کہ وزیراعظم عمران خان نےایک کروڑ 20 لاکھ غریب عوام کو 12ہزار روپے فی کس امداد دی، تنقید کرنے والے پہلے حقائق جانیں اور پھر بولیں۔
انہوں نے کہا کہ سیاست کے بجائے تمام صوبوں میں کورونا وائرس کنٹرول کرنا اصل مشن ہے۔
یہ بھی پڑھیں: تمام صوبے اپنےفیصلوں میں خودمختار ہیں، فردوس عاشق اعوان
معاون خصوصی اطلاعات کا کہنا تھا کہ عمران خان کورونا اور بھوک دونوں کے خلاف جنگ لڑ رہے ہیں۔
فردوس عاشق اعوان نے کہا کہ کورونا کے خلاف جنگ میں سب وزیراعظم کا ساتھ دیں سیاست نہ کریں۔
