اسلام آباد: حکومت نے ملکی تاریخ میں پہلی بار وزارت سائنس اور ٹیکنالوجی کے نمائندے کو رویت ہلال کمیٹی میں شامل کردیا ہے۔
اس حوالے سے حکومت نے بدھ کو باقاعدہ نوٹیفکیشن جاری کردیا۔ وزارت سائنس اور ٹیکنالوجی کے جوائنٹ سیکرٹری ڈاکٹر طارق مسعود بطور ٹیکنیکل ماہر رویت ہلال کمیٹی کا حصہ ہونگے۔
وزارت سائنس اور ٹیکنالوجی کو رویت ہلال کمیٹی میں شامل کرنے پر رد عمل دیتے ہوئے وزیرسائنس اینڈ ٹیکنالوجی فواد چودھری نے اپنے ٹوئٹ میں کہا کہ یہ درست سمت میں قدم ہے۔
پاکستان کی تاریخ میں پہلی بار وزارت سائنس اور ٹیکنالوجی کو رویت ہلال کمیتی میں شامل کیا گیا ہے، یہ درست سمت میں قدم ہے مذہبی تہوار اتحاد اور برکت کا باعث ہوتے ہیں اور اسی جذبے سے آگے بڑھنا چاہئے #RamzanMubarik pic.twitter.com/O9pbiykSNP
— Ch Fawad Hussain (@fawadchaudhry) April 22, 2020
انہوں نے مزید کہا کہ مذہبی تہوار اتحاد اور برکت کا باعث ہوتےہیں، اسی جذبے سے آگے بڑھناچاہیے۔
اس سے قبل فواد چوہدری اورچیئرمین رویت ہلال کمیٹی مفتی منیب الرحمان کے درمیان عیدین کا چاند دیکھنے اور دیگر مذہبی معاملات پر تنازعہ کھڑا ہ ا تھا۔
