تہران: ایران نے پہلا فوجی سیٹلائیٹ مقامی طور پر تیار کردہ راکٹ کے ذریعے کامیابی سے زمین کے گرد مدار میں بھیج دیا۔
ایران کے فوجی دستے پاسدارن انقلاب کی جانب سے کہا گیا ہے کہ پہلی مرتبہ ان کی فوجی سیٹلائٹ کامیابی کے ساتھ مدار میں بھیج دی گئی ہے۔
نور۔ ون نامی فوجی سیٹلائیٹ ٹو۔سٹیج کو راکٹ قاصد کے ذریعے بدھ کو ایران کے وسطی صحرائی علاقے میں بنائے گئے لانچنگ پیڈ سے روانہ کیا گیا۔
یہ بھی پڑھیں: امریکہ نے چین سے حساس لیبارٹریوں کے معائنے کا مطالبہ کر دیا
یہ سیٹلائیٹ سطح زمین سے 425 کلومیٹر کے فاصلے پر اپنے مدار میں پہنچ گیا۔
واضح رہے کہ گذشتہ چند ماہ کے دوران فوجی سیٹلائیٹ کو زمین کے گرد مدار میں بھیجنے کی ایران کی متعدد کوششیں کامیاب نہیں ہو سکی تھیں۔
دوسری جانب امریکہ نے اس اقدام کو اشتعال انگیزی اور اقوام متحدہ کی قراردادوں کے منافی قرار دیا ہے۔
I have instructed the United States Navy to shoot down and destroy any and all Iranian gunboats if they harass our ships at sea.
— Donald J. Trump (@realDonaldTrump) April 22, 2020
امریکی صدر ڈونلڈ ٹرمپ نے سماجی رابطوں کی ویب سائٹ ٹوئٹر پر پیغام دیا کہ انہوں نے امریکی بحریہ سے کہا ہے کہ اگر کوئی ایرانی ’گن بوٹس‘ انہیں سمندر میں پریشان کریں تو وہ ایک یا سبھی کو تباہ کر دیں۔
