اسلام آباد: وفاقی وزیر صنعت و پیداوار حماد اظہر نے کہا ہے کہ چھوٹا کاروبار امدادی پیکج کے بعد آسان قرضے بھی فراہم کریں گے۔
وفاقی وزیر حماد اظہر نے سماجی رابطے کی ویب سائٹ ٹوئٹر پر لکھا کہ چھوٹا کاروبار امدادی پیکج کا پہلا فیز آج پیش کیا جائے گا۔ اقتصادی رابطہ کونسل (ای سی سی) اور کابینہ کی منظوری کے بعد لاکھوں تاجر چھوٹا کاروبار امدادی پیکج سے مستفید ہو سکیں گے۔
وزارت صنعت و پیداوار کل ای سی سی میں “چھوٹا کاروبار امدادی پیکج” کا پہلا فیز پیش کرے گی۔
ای سی سی اور کیبنٹ سے منظور ہونے کے بعد لاکھوں چھوٹے کاروبار اور صنعتیں اس پیکج سے مستفید ہو سکیں گی۔ ۱/۲— Hammad Azhar (@Hammad_Azhar) April 26, 2020
حماد اظہر نے کہا کہ اگلے مرحلے میں چھوٹے اور درمیانے درجے کے کاروباروں کے لیے آسان قرضوں کی فراہمی پر بھی غور کر رہے ہیں۔
یہ بھی پڑھیں قرضوں سے نجات کا معاملہ، پاکستان کا اقوام متحدہ میں مشاورتی اجلاس بلانے کا فیصلہ
انہوں نے کہا کہ اگلے مرحلے میں کورونا وائرس سے شدید متاثر ہونے والے شعبہ جات کے لیے ترجیحی بنیادوں پر ریلیف اقدامات بھی اٹھائے جائیں گے۔
ریلیف پیکج کے دوسرے مرحلے میں چھوٹے اور درمیانے درجے کے کاروباروں کے لیے آسان قرضوں کی فراہمی بھی زیرِ غور ہے۔ اگلے مرحلے میں کورونا وائرس سے شدید متاثر ہونے والے شعبہ جات کے لیے ترجیحی بنیادوں پر ریلیف اقدامات بھی اٹھائے جائیں گے۔ ۲/۲
— Hammad Azhar (@Hammad_Azhar) April 26, 2020