اسلام آباد: پاکستان کی قومی ایئر لائن پی آئی اے کی خصوصی پرواز چین سے طبی سامان لے کر وطن پہنچ گئی ہے۔
کورونا: ماہر چینی ڈاکٹروں کی ٹیم پاکستان پہنچ گئی
ہم نیوز کے مطابق پی آئی اے کی خصوصی پرواز پی کے – 8852 بیجنگ سے طبی سامان لے کر اسلام آباد ایئرپورٹ پہنچی تو طبی سامان اتارنے سے قبل اس پراینٹی وائرس اسپرے کیا گیا۔
پاکستانی حکام نے رن وے پر طبی سامان وصول کیا۔ طبی سامان میں ماسک، گلوز، ٹیسٹنگ کٹس اور حفاظتی لباس شامل ہیں۔
کورونا: چین نے ویکسین کے حوالے سے خوشخبری سنا دی
انتہائی ذمہ دار ذرائع کے مطابق طیارے میں عملے کے ساتھ دو مسافر بھی اسلام آباد پہنچے ہیں۔
چین کی جانب سے تسلسل کے ساتھ طبی سامان پاکستان آرہا ہے جب کہ اس سے قبل دو خصوصی پروازوں میں ماہر چینی ڈاکٹروں کی ٹیم بھی پہنچی ہے۔
کوویڈ 19کی ویکسین:ممکنہ ٹرائل کیلئے چینی کمپنی کا پاکستان سے رابطہ
کورونا وائرس سے متاثرہ مریضوں کے علاج میں مہارت کی حامل چینی ڈاکٹروں کی ٹیم آئندہ دو ماہ تک پاکستان میں قیام کرے گی اور اس دوران وہ پاکستانی ڈاکٹروں اور طبی عملے کی رہنمائی کا بھی فریضہ سرانجام دے گی۔
