آکرا: مغربی افریقہ میں واقع ملک گھانا کے مشہور جنازہ ڈانسرز نے کورونا وائرس سے لڑتے طبی عملے کو خراج تحسین پیش کیا ہے۔
سماجی رابطوں کی ویب سائٹ ٹوئٹر سے جاری بیس منٹ کے ویڈیو کلپ میں ڈانسرز گلوز اور ماسک چڑھائے کھڑے تھے۔
اپنے پیغام میں گروپ کے سربراہ بینجمن ایڈو نے کورونا وائرس سے لڑتے طبی عملے کا شکریہ ادا کرتے ہوئے کہا کہ یہ لوگ سب کا خیال رکھنے کے لیے شدید محنت کررہے ہیں۔
And 2020 has come full circle…
The Ghana coffin dancers made a video to thank doctors and also warned everyone to “stay home or dance with us.” pic.twitter.com/eDNzevR68U
— Michael Schwab (@michaelschwab13) May 5, 2020
ساتھ ہی مذاق میں لوگوں کو گھروں میں رہنے کی تلقین کرتے ہوئے کہا کہ لوگ گھروں میں رہیں یا ان کے ساتھ ڈانس کریں۔
خیال رہے کہ ویڈیو کو اب تک 61 ہزار سے زائد لوگ دیکھ چکے ہیں جبکہ اس پیغام کو 51 ہزار لوگوں نے شئیر کیا ہے۔
یاد رہے کہ ایڈو گروپ کو شہرت 2017 میں ملی تھی جس میں گروپ کاندھے پر جنازہ اٹھانے ڈانس میں مصروف تھا۔ اب تک اس ڈانس پر سوشل میڈیا میں لاکھوں میمز بھی بن چکی ہیں۔
