پاکستانی اور بھارتی اداکار آصفہ کو انصاف دلانے کیلئے متحرک

April 13, 2018
فرحین فرید

اسلام آباد: مقبوضہ کشمیر میں آٹھ سالہ بچی آصفہ بانو سے زیادتی اور قتل کے حقائق سامنے آنے پر پاکستانی اور بھارتی فنکاروں نے مجرموں کے خلاف سخت کارروائی کا مطالبہ کیا ہے۔

آٹھ سالہ آصفہ کورواں برس جنوری کے آغاز میں اغوا کے بعد اجتماعی زیادتی کا نشانہ بنایا گیا تھا، جس کے بعد کمسن بچی کو سر پر پتھر مار کر قتل کر دیا گیا تھا۔

رپورٹس کے مطابق بھارتی فورسز نے معصوم آصفہ کو سوچی سمجھی سازش کے تحت بربریت کا نشانہ بنایا تھا جس کا مقصد بکروال گجر برادری کو ہجرت کیلئے مجبور کرنا تھا۔

جموں و کشمیر پولیس کی جانب سے عدالت میں جمع کروائی گئی رپورٹ میں کہا گیا ہے کہ ایک ریٹائرڈ سرکاری ملازم نے چار پولیس افسران اور دیگر کے ساتھ مل کر معصوم بچی کو درندگی کا نشانہ بنایا۔

کمسن آصفہ بانو سے زیادتی و قتل کا معاملہ اتنا زیادہ عام ہوا کہ بھارتی فنکاروں کو بھی ظلم کے خلاف آواز بلند کرنا پڑی۔ پاکستانی اداکار بھی کشمیری بچی کو انصاف دینے کا مطالبہ کرتے نظر آئے۔

ارمینہ رانا، پریانکا چوپڑا، انوشکا شرما اور نوازالدین صدیقی سمیت دیگر شوبز شخصیات نے آصفہ پر ڈھائے گئے ظلم کی شدید مذمت کرتے ہوئے مودی سرکار سے انصاف کا مطالبہ کیا ہے۔

پاکستانی اداکارہ ارمینہ خان نےاپنے ٹویٹ میں آصفہ کیلئےانصاف کا مطالبہ کیا۔

دنگل گرل زائرا وسیم نے اپنے ٹویٹ میں کہا ہے کہ’’ہرجگہ ناانصافی ہے کیا ہر جگہ انصاف کوخطرہ ہے‘‘

پریانکا چوپڑا نے ٹوئٹر پر اپنے پیغام میں کہا کہ آصفہ کی طرح اور کتنے بچے مذہب اور سیاست کے نام پر قربان کیے جائیں گے؟ میں بہت شرمندہ ہوں۔ یہ وقت سخت ایکشن لینے کا ہے، ہم آصفہ اور انسانیت کے مقروض ہیں۔

بھارتی میوزک پروڈیوسر وینش دیدلانی نے لوگوں سے کہا ہے کہ وہ آوازاٹھائیں اور اس معاملے کودبنے نہ دیں۔

پرینیتی چوپڑا، ونی کپور، ایشا گپتا، کریتی سانوں اور سنجے دت نے بھی اپنی ٹویٹس میں آصفہ بانو کے ساتھ روا رکھے گئے ظلم کو شرمناک قرار دیا۔ فنکاروں کا مطالبہ تھا کہ آصفہ بانو کو انصاف فراہم کیا جائے۔


ٹیگز :
متعلقہ خبریں
شادی ہالز marriage hall

خیبرپختونخوا، بیوٹی پارلرز اور شادی ہالز پر فکس ٹیکس لگانے کا فیصلہ
ایکسائز ڈیوٹی

حکومت کے سگریٹس پر فیڈرل ایکسائز ڈیوٹی بڑھانے کے مثبت اثرات
state bank

ملکی زرمبادلہ کے ذخائر میں اضافہ ہو گیا