بلوچستان میں کورونا کے 80 نئے کیسز رپورٹ

کورونا وائرس، برطانیہ میں ڈیڑھ ماہ کا بچہ بھی جان کی بازی ہار گیا

کوئٹہ: بلوچستان میں کورونا وائرس کے 80 نئے کیسز رپورٹ ہوئے ہیں۔

ترجمان ڈائریکٹرجنرل ہیلتھ بلوچستان کے مطابق بلوچستان میں کورونا وائرس سے متاثرہ مریضوں کی مجموعی تعداد 3 ہزار616 ہوگئی ہے۔

ترجمان ڈائریکٹرجنرل ہیلتھ بلوچستان کے مطابق کورونا وائرس سے اب تک 41 افراد جاں بحق ہوئے ہیں۔

خیال رہے کہ پاکستان میں کورونا وائرس کے مریضوں کی تعداد 59 ہزار 151 تک پہنچ گئی ہے اور 1225 افراد جاں کی بازی ہار چکے ہیں۔

نیشنل کمانڈ اینڈ کنٹرول سینٹر کے اعدادوشمار کے مطابق گزشتہ24 گھنٹوں میں کورونا کے مزید ایک ہزار446 کیسز رپورٹ ہوئے اور مجموعی طور پر 19 ہزار142 مریض صحت یاب ہوگئے ہیں۔

کورونا وائرس کے سب سے زیادہ مریض سندھ میں ہیں جہاں تعداد 23 ہزار 507 تک پہنچ گئی ہے۔

کورونا وائرس کی وجہ سے پنجاب میں 21 ہزار118، خیبرپختونخوا 8ہزار259، بلوچستان3616، اسلام آباد 1879، گلگت بلتستان 638 اور آزاد کشمیر میں 214 کیسز رپورٹ ہو چکے ہیں۔

کورونا وائرس کے باعث سب سے زیادہ اموات خیبرپختونخوا میں ہوئی ہیں جہاں 416 افراد جان کی بازی ہار چکے ہیں۔ سندھ میں 374، پنجاب میں 362، اسلام آباد میں 18، گلگت بلتستان میں9، بلوچستان میں42 اور آزاد کشمیر میں 4شخص کورونا وائرس سے جاں بحق ہو چکے ہیں۔

مزید پڑھیں: کورونا وائرس: دنیا بھر میں 57 لاکھ 22 ہزار سے زائد افراد متاثر

ملک بھر میں 14 ہزار 705  ٹیسٹ کیے گئے جب کہ مجموعی طور پر چارلاکھ  60 ہزار 692 ٹیسٹ کیے جا چکے ہیں۔

خیال رہے کہ پاکستان میں کورونا کا پہلا کیس 26 فروری کو رجسٹرڈ ہوا اور ایک ہزاراموات 21 مئی تک ہوئیں۔ ایک ہزار اموات ہونے میں 85 دن لگے۔

وزارت صحت کا کہنا ہے کہ پاکستان میں کورونا کیسز ایک لاکھ تک پہنچنے کا خدشہ اور جون میں سب سے زیادہ کیسز سامنے آسکتے ہیں۔

پاکستان میں کورونا وائرس کو سامنے آئے دو ماہ سے زائد کا عرصہ بیت چکا ہے۔ ابتدا میں کیسز میں اضافے کی رفتار سست تھی لیکن اب اس میں تیزی سے اضافہ دیکھنے میں آرہا ہے۔

متعلقہ خبریں

ٹاپ اسٹوریز