نوجوان بھارتی اداکار موہت باگھل کینسر کے خلاف جنگ ہار گئے

نوجوان بھارتی اداکار موہت باگھل کینسر کے خلاف جنگ ہار گئے

بھارت کے نوجوان اداکار موہت باگھل موذی مرض کینسر کے خلاف جنگ ہار گئے اور 26 سال کی عمر میں چل بسے۔

سلمان خان کی فلم  ریڈی  میں امر چودھری کا کردار نبھانے والے نوجوان اداکار کی موت کی تصدیق بھارتی ہدایتکار راج شاندلا نے کی جس کے بعد بالی ووڈ فنکاروں کے تعزیتی پیغامات سامنے آنا شروع ہوگئے۔

اترپردیش لے علاقے ماتھورا سے تعلق رکھنے والے موہت باگھل 1993 میں پیدا ہوئے، اداکاری کا شوق بچپن میں ہی ممبئی لے آیا جہاں موہت نے کامیڈی شو ’چھوٹے میاں ‘ سے کریئر کا آغاز کیا۔

یہ بھی پڑھیں: نامور اداکارہ نادیہ جمیل میں چھاتی کے کینسر کی تشخیص

ریڈی کے علاوہ موہت نے فلم ’ اکیس توپوں کی سلامی‘ اور ’گلی گلی چور ہے‘ میں بھی اداکاری کے جوہر دکھائے۔

بالی ووڈ اداکار سدھارتھ ملہوترا نے اپنے پیغام میں لکھا کہ وہ موہت کیموت کی خبر سن کر سکتے میں ہیں۔

اداکارہ پرینیتی چوپڑا نے لکھا کہ کہا کہ موہت کے ساتھ کام کرنے کا تجربہ بہت اچھا رہا کیونکہ وہ ایک مثبت سوچ رکھنے والے اور خوش مزاج انسان تھے۔


متعلقہ خبریں