اسلام آباد: وزیراعظمم عمران خان کے مشیر برائے تجارت عبدالرزاق داؤد نے بتایا کہ سمندری راستے سے پاکستان کیساتھ تجارت کے نئےدور کا آغاز ہوگیا ہے اور ا س سلسلے میں افغانستان کیلئے16ہزارمیٹرک ٹن یوریا کھاد لے کربحری جہاز گوادر پہنچا ہے۔
مشیرتجارت نے بتایا کہ گوادرپورٹ سے افغانستان کوٹرانزٹ ٹریڈ کی شروعات ہوگئی ہیں اور بیرون ملک سے افغانستان بھیجی جانے والی کھاد کو پاکستان میں پیک کیا جائے گا۔
ان کا کہنا تھا کہ پہلی بار کھاد کو مقامی سطح پر بیگ میں پیک کیا جائے گا اور بیرونی پورٹ سے پیک ہو کر نہیں آئے گی۔ عبد الرزاق داؤد کا کہنا تھا کہ گوادرسے کھاد پیک کرکے ٹرکوں کے ذریعے افغانستان بھیجی جائے گی۔
انہوں نے کہا کہ کھاد اتارنے، پیکنگ اور ٹرکوں پرلوڈنگ سے مقامی افراد کوروزگارملے گا۔ صرف مقامی افراد کوروزگاردینے سےمتعلق ہدایات جاری کردی گئی ہیں۔
For the first time, bagging will be done locally instead of foreign ports. Urea will be bagged & shipped on trucks to Afghanistan at Gwadar, which will generate employment for the locals. Instructions have already been passed to allocate all labour jobs to local population 2/2
— Abdul Razak Dawood (@razak_dawood) May 29, 2020
خیال رہے کہ پاکستان کی زیادہ تر تجارت سمندر کے راستے ہوتی ہے اور بہت سے شعبے اس سے جڑے ہیں جن میں بندرگاہیں، ساحلی سیاحت، فشنگ، تیل و گیس کے ذخائر، شپنگ، شپ بلڈنگ اور شپ بریکنگ وغیرہ شامل ہیں۔ پاکستان کے سمندری علاقے کا دو لاکھ 90 ہزار کلومیٹر رقبہ مخصوص تجارتی خطے(Exclusive Economic Zone) میں شامل ہے۔
