لاہور: پاکستان تحریک انصاف(پی ٹی آئی ) کے رہنما و سماجی کارکن ابرار الحق بھی کورونا وائرس سے متاثر ہو گئے ہیں۔
سماجی رابطے کی ویب سائٹ ٹوئٹر سے جاری اپنے پیغام میں انہوں نے بتایا کہ میرا کورونا کا ٹیسٹ مثبت آیا ہے اور میں نے خود کو گھر میں قرنطینہ کرلیا ہے۔
My corona test came positive, i am home quarantined, however ,inshahallah, i will keep performing my duties through Skype as Red Crescent and Sahara worker. Please pray for me and all those fighting it.
— Abrar Ul Haq (@AbrarUlHaqPK) May 31, 2020
ان کا کہنا تھا کہ میں اپنی تمام تر ذمہ داریاں اسکائپ کے ذریعے جاری رکھوں گا۔
شہروں کے بعد سندھ کے دیہی علاقوں میں بھی کورونا پھیلنے لگا
یاد رہے کہ گزشتہ روز ابرارالحق نے اپنی ٹویٹ میں بتایا تھا کہ میں رات سے خشک کھانسی اور بخار میں مبتلا ہوں، امید ہے کہ یہ کورونا نہیں ہو گا۔
انہوں نے کہا کہ گورنر پنجاب چوہدری سرور سمیت جن لوگوں نے بھی میرے ساتھ ملاقات کی ہے ان تمام کو احتیاطی تدابیر اختیار کر لینی چاہئیں۔