پشاور: اسلام آباد کے بعد خیبرپختونخوا میں بھی عوامی مقامات پر ماسک پہننا لازمی قرار دے دیا گیا ہے۔
ذرائع کے مطابق ڈپٹی کمشنر پشاور کی جانب سے جاری نوٹیفیکیشن کے مطابق خلاف ورزی کی صورت میں قیدوجرمانہ ہوسکتا ہے۔
ڈی سی پشاور کا کہنا ہے کہ کورونا وائرس کے پھیلاوَ کو روکنےکیلئےعوام ماسک کےاستعمال کویقینی بنائیں۔
یاد رہے کہ گزشتہ روز وفاقی دارالحکومت کی ضلعی انتظامیہ نے عوامی مقامات پر ماسک پہننا لازمی قرار دیا تھا۔
ڈپٹی کمشنر اسلام آباد نے سماجی رابطوں کی ویب سائٹ پر ٹویٹ کیا کہ وفاقی دارالحکومت میں عوامی مقامات پر ماسک پہننا لازمی قرار دے دیا گیا ہے۔
یہ بھی پڑھیں:پاکستان میں کورونا سے ایک دن میں88 اموات، مجموعی تعداد1483ہوگئی
انہوں نے ڈاکٹرظفر مرزا کے ٹویٹ کو ری ٹویٹ بھی کیا جس میں معاون خصوصی برائے صحت نے لکھا ہے کہ آج سے ماسک پہننا ہر عام وخاص کیلئے لازمی ہے۔
Wearing Face masks has been made mandatory in all public places in Islamabad. From today anyone who is violating can be charged with Section 188 CrPC. https://t.co/meI0kcjkU5
— Deputy Commissioner Islamabad (@dcislamabad) May 31, 2020
اسلام آباد بازار ویلفیئر ایسوسی ایشن نے خریداروں کیلئے قواعدوضوابط جاری کر دیئے ہیں اور صارفین کو ہدایت کی گئی ہے کہ ماسک پہن کر خریداری کے لیے آئیں۔
ایس او پیز کے مطابق خاندان میں سے ایک فرد خریداری کے لیے آئے۔ بیمار افراد اور بچوں کو بازار میں لانے سے منع کیا گیا ہے۔ اسٹال لگانے والوں کو بھی ماسک پہنیں اور بغیر ماسک کسی خریدار کو سامان نہ دینے کی ہدایت کی گئی ہے۔
ایس او پیز کے مطابق اسٹال ہولڈرز خریدار سے فاصلہ رکھ کر ڈیل کریں اور اپنی دکان کے اندر سینیٹائزر رکھیں۔ ایک وقت میں ایک خریدار کو ڈیل کیا جائے۔ کھانے پینے والے اسٹال ہولڈرز صرف پارسل سروس دے سکتے ہیں۔
