سعودی عرب: کورونا سے مزید 39 مریض جاں بحق، 3 ہزار سے زائد افراد متاثر

سندھ: کورونا کے مزید 952 کیسز رپورٹ

ریاض: سعودی عرب میں عالمی وبا کورونا وائرس سے 39 مریض جاں بحق جبکہ 3 ہزار سے زائد افراد متاثر ہوئے ہیں۔

سعودی وزارت صحت کے مطابق گزشتہ 24 گھنٹےمیں کورونا کے مزید 3 ہزار 366 کیسز کی تصدیق ہوئی ہے جس کے بعد سعودی عرب میں وبا سے متاثرہ افراد کی تعداد ایک لاکھ 23 ہزار 308 تک پہنچ گئی ہے۔

خیال رہے کہ دنیا بھر میں کورونا سے اموات کی تعداد 4 لاکھ 28 ہزار سے تجاوز کر گئی ہے جبکہ متاثرہ افراد کی تعداد 77 لاکھ  58 ہزار 670 ہو گئی ہے۔

کورونا وائرس سے صحت یاب ہونے والوں کی تعد 39 لاکھ 75 ہزار سے زائد ہے۔ دنیا بھرمیں کورونا سے متاثرہ 53 ہزار 887 افراد کی حالت تشویشناک جبکہ 32 لاکھ 94 ہزار 90 افراد کی حالت تسلی بخش ہے۔

امریکہ میں 24 گھنٹوں کے دوران کورونا وائرس سے مزید 403 اموات ہوئی ہیں اور جاں بحق ہونے والوں کی مجموعی تعداد ایک لاکھ 16 ہزار سے بڑھ گئی ہے۔ امریکہ میں 21 لاکھ 16 ہزار سے زائد افراد میں کورونا وائرس کی تشخیص ہوئی ہے۔

یہ بھی پڑھیں: کورونا وائرس کے ابتدائی مرحلہ میں 30 لاکھ افراد بے روزگار ہونے کا خدشہ، مشیر خزانہ

برازیل امریکہ کے بعد 8 لاکھ سے زائد کورونا کیسز والا دوسرا ملک بن گیا ہے جہاں گذشتہ 24 گھنٹے کے دوران مزید 104 افراد موت کا شکار ہوئے۔ برازیل میں کیسز کی تعداد 8 لاکھ 29 ہزار سے زائد ہو گئی ہے جبکہ 41 ہزار نو سو سے زائد افراد ہلاک ہوچکے ہیں۔

روس میں کورونا سے مزید 183 افراد ہلاک ہوئے جس کے بعد روس میں اموات کی تعداد 6 ہزار 7 سو سے تجاوز کر گئی۔ روس میں کورونا سے متاثرہ افراد کی تعداد 5 لاکھ  11 ہزار سے بڑھ گئی ہے۔

برطانیہ میں کورونا نے مزید 202 افراد کی جان لے لی جس کے بعد اموات کی تعداد 41 ہزار 481 سو سے بڑھ گئی جبکہ دو لاکھ 92 ہزار سے زائد افراد کورونا وائرس سے متاثر ہیں۔

برطانیہ میں کورونا ٹیسٹ اینڈ ٹریس سسٹم لاگو کردیا گیا ہے اور کورونا مریضوں سے ملاقات کرنے والوں کو آئسولیٹ کیا جا رہا ہے۔

اٹلی میں کورونا سے ہلاکتوں کی تعداد 34 ہزار 2 سو سے تجاوز کر گئی ہے جبکہ دو لاکھ 36 ہزار سے زائد افراد متاثر ہوچکے ہیں۔

بھارت میں کورونا سے ہلاک ہونے والے افراد کی تعداد 8 ہزار 8 سو سے بڑھ گئی ہے جبکہ متاثرہ افراد کی تعداد 3 لاکھ 9 ہزار سے زیادہ ہو گئی ہے۔

متعلقہ خبریں

ٹاپ اسٹوریز