اسلام آباد: آسٹریلیا کی سڑکوں کے نام دنیائے کرکٹ میں عالمی شہرت یافتہ پاکستانی کھلاڑیوں کے نام پر رکھ دیے گئے ہیں۔
جن سڑکوں کے نام پاکستانی کھلاڑیوں کے نام پر پہ رکھے گئے ہیں وہ میلبورن کی ہیں۔ آسٹریلیا کے شہرمیلبورن کو دنیائے کرکٹ میں بھی ممتاز مقام حاسل ہے۔
آسٹریلیا کے ہائی کمشنر برائے پاکستان ڈاکٹر جیوفری شا نے سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں کہا ہے کہ آسٹریلیا کی سڑکیں پاکستان کے لیجنڈ کھلاڑیوں کے نام سے منسوب دیکھ کر خوشی ہوئی ہے۔
Great to see Australian streets named after Pakistani #cricket legends Imran Khan, Wasim Akram, Javed Miandad, Inzamam-ul-Haq and Shoaib Akhtar. A sign of enduring ???? Australia-Pakistan friendship and the power of our sporting ties https://t.co/Hd1EoKxbkS pic.twitter.com/ZUFKRpcPHQ
— Dr Geoffrey Shaw (@AusHCPak) June 15, 2020
پاکستان کے جن لیجنڈ کھلاڑیوں کے نام سے آسٹریلوی شہر میلبورن کی سڑکیں منسوب کی گئی ہیں ان میں سابق کرکٹ کپتان اور پاکستان کے موجودہ وزیراعظم عمران خان اور دنیائے کرکٹ میں اپنی بلے بازی کی وجہ سے عالمی شہرت حاصل کرنے والے جاوید میاں داد شامل ہیں۔
آسٹریلوی شہر میلبورن کی سڑکیں شہرہ آفاق پاکستانی کرکٹرز وسیم اکرم، انضمام الحق اورشعیب اختر کے نام سے بھی منسوب کی گئی ہیں۔
آسٹریلیا کے اسلام آباد میں مقیم ہائی کمشنر ڈاکٹر جیو فری شا نے سماجی رابطے کی ویب سائٹ پہ جاری کردہ پیغام میں کہا ہے کہ یہ پاکستان اورآسٹریلیا کے دوستانہ تعلقات اور کھیل کے ذریعے جڑے رہنے کی طاقت کی نشانی ہے۔