اسلام آباد: سول ایوی ایشن اتھارٹی (سی اے اے) نے طویل وقفے کے بعد ملک میں بین الاقوامی پروازوں کو بحال کر دیا۔
سی اے اے نے اس ضمن میں نوٹیفکیشن بھی جاری کر دیا ہے جس کے مطابق تمام غیر ملکی مسافر اور چارٹر پروازوں کو پاکستان میں دوبارہ آپریٹ کرنے کی اجازت دے دی گئی ہے۔
یہ بھی پڑھیں: کورونا: سی اے اے نے نئی ٹریول ایڈوائزری جاری کردی
نوٹیفکیشن کے مطابق تمام غیر ملکی مسافر اور چارٹر پروازوں کو پاکستانی بین الاقوامی ائر پورٹس پر آمدورفت کی اجازت ہو گی جب کہ پروازوں کو پاکستان میں آپریٹ کرنے کے لیے فلاٹس کے اوقات کار سول ایوی ایشن جاری کرے گا۔
گوادر اور تربت کے لیے پروازوں پر پابندی بدستور برقرار رہے گی جبکہ کارگو پروازوں سمیت خصوصی اور ڈپلومیٹک پروازوں کی آمدورفت سلسلہ خصوصی اجازت کے تحت جاری رہے گی ۔
قبل ازیں وزیر اعظم عمران خان نے بین الاقوامی پروازوں کے لیے ملکی فضائی حدود جزوی طور پر کھولنے کا اعلان کیا ہے۔
سماجی رابطوں کی ویب سائٹ ٹوئٹر پر شیئر کیے گئے پیغام میں انہوں نے لکھا کہ کل فضائی حدود عالمی پروازوں کے لیے جزوی طور پر کھول رہے ہیں۔
Tomorrow we will partially open airspace for intl flights.This is being done specially to help our Overseas workers who have suffered most in this pandemic but have shown great courage & made us proud. We welcome you back home & our govt will facilitate you in every way.
— Imran Khan (@ImranKhanPTI) June 20, 2020
انہوں نے لکھا کہ فضائی حدود کھولنے کا مقصد بیرون ملک پھنسے پاکستانیوں کو وطن واپس لانا ہے۔
وزیراعظم عمران خان نے تحریر کیا کہ کورونا وائرس کے باعث سمندر پار پاکستانیوں نے مشکلات برداشت کیں، بیرون ملک پاکستانیوں کی ہمت اور حوصلوں پر ہمیں فخر ہے۔
I appreciate the philanthropic role played by the Overseas Pakistani community in helping their brothers & sisters abroad during Covid19. There are many examples where the Pakistani community has been a source of inspiration, helping those around in need.
— Imran Khan (@ImranKhanPTI) June 20, 2020
وزیراعظم عمران خان نے وطن واپس آنے والے پاکستانیوں کو خوش آمدید بھی کہا۔
ان کا کہنا تھا کہ سمندرپار پاکستانیوں کوواپسی پرہر قسم کی سہولت فراہم کریں گے، سمندر پار مخیر پاکستانیوں کی ہم وطنوں کی مدد کرنے پر ان کا مشکور ہوں۔
یہ بھی پڑھیں: وزیراعظم عمران خان کی زیر صدارت تحریک انصاف کور کمیٹی کا اجلاس
عمران خان نے لکھا کہ اوورسیز پاکستانیوں کی ہم وطنوں کے لیے مدد کاجذبہ قابل ستائش ہے۔
انہوں نے مزید کہا کہ بیرون ملک مقیم پاکستانی کمیونٹی نے فلاحی خدمات سرانجام دے کرعظیم مثالیں قائم کی ہیں۔