اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ گرہن سے جڑی توہم پرستی کی کہانیاں بھی آخری سانسیں لے رہی ہیں۔
سماجی رابطے کی ویب سائٹ ٹوئٹر پر وفاقی وزیر سائنس و ٹیکنالوجی فواد چوہدری نے کہا کہ اس سال 6 گرہن ہونے ہیں جس میں 4 چاند اور 2 سورج گرہن شامل ہیں۔
انہوں نے کہا کہ سال کا دوسرا سورج گرہن 14 دسمبر کو ہو گا جو پاکستان میں نہیں دیکھا جا سکے گا۔
اس سال چھ گرہن ہونے ہیں، چار چاند گرہن اور دو سورج گرہن۔اس سال کا دوسرا گرہن 14 دسمبر کو ہو گا لیکن وہ پاکستان میں نہیں دیکھا جا سکے گا۔ آج مکمل سورج گرہن سکھر اور اس کے گردو نواح میں ہے باقی علاقوں میں جزوی گرہن ہے
— Ch Fawad Hussain (@fawadchaudhry) June 21, 2020
فواد چوہدری نے کہا کہ جب انسان کا علم بہت محدود تھا تو توہم پرستی بھی عروج پر تھی، جو شے پسند آتی اسے خوش قسمتی اور جس سے خوف آتا اسے عذاب سے جوڑ دیا جاتا تھا۔ گرہن بھی ایسا ہی عمل تھا تاہم اب سائنس نے گرہن کی قلعی کھول دی ہے۔
جب انسان کا علم بہت محدود تھا تو توہم پرستی بھی عروج پر تھی، ہر شے جو پسند آتی تھی اسے خوش قسمتی اور جس چیز سے خوف آتا تھا اسے عذاب سے جوڑ دیا جاتا تھا، گرہن بھی ایسا ہی عمل تھا، اب سائنس نے گرہن کی قلعی کھول دی ہے تو اس سے جڑی توہم پرستی کی کہانیاں بھی آخری سانسیں لے رہیں ہیں
— Ch Fawad Hussain (@fawadchaudhry) June 21, 2020
واضح رہے کہ آج پاکستان میں سورج گرہن ہوا جس کا آغاز گوادر سے ہوا جسے ملک بھر میں دیکھا گیا اور ملک کے کچھ شہروں میں گرہن کے باعث اندھیرا چھا گیا تھا۔
یہ بھی پڑھیں پاکستان میں رواں سال کا پہلا سورج گرہن
