اسلام آباد: وفاقی دارالحکومت اسلام آباد میں پہلے ہندو مندر کی تعمیر کی بنیاد رکھ دی گئی۔
1947 میں برصغیر کی تقسیم کے بعد اسلام آباد میں یہ پہلا مندر تعمیر کیا جائے گا۔
ہندو برادری کی عبادت گاہ کیلئے اسلام آباد کے سیکٹر ایچ نائن ٹو جگہ مختص کردی گئی۔
مندر کی افتتاحی تعمیرات کا آغاز پاکستان تحریک انصاف کے اقلیتی رکن قومی اسمبلی اور پارلیمانی سیکریٹری ہیومن رائٹس لال مالھی نے کیا۔اس موقع پر لال مالھی مہمان خصوصی تھے۔
Particiapted in ground breaking ceremony of #Kirshna #temple at Islamabad H-9 sector, organized by #Hindu Panchayat Isb. It will be first ever temple in #Islamabad since centuries. The govt provided 4 canals of land for construction of temple. Long live Pakistan.@SMQureshiPTI pic.twitter.com/ucd9Umocb9
— LAL MALHI (@LALMALHI) June 23, 2020
مندر کی تعمیر کے سلسلے میں بنیادی ڈھانچے اور چار دیواری کے کام کا آغاز کردیا گیا۔
مزید پڑھیں: حکومت کا ملک بھر میں بند مندر کھولنے کا فیصلہ
اس موقع پر بات چیت کرتے ہوئے لال مالھی نے کہا کہ بھارت مقبوضہ کشمیر میں اقلیتوں کو مسجد میں جانے سے روک رہا ہے، ہم اسلام آباد میں مندر کی تعمیر کر رہے ہیں۔
لال مالھی نے کہا کہ پاکستانی ریاست و حکومت کی پالیسی ہے کہ اقلیتوں کو حقوق دیے جائیں۔ انہوں نے کہا کہ مندر کی تعمیر کے لیے حکومت فنڈز مہیا کرے۔
خیال رہے کہ گزشتہ سال پاکستان تحریک انصاف کی حکومت نے ہندو آبادی کے دیرینہ مطالبے پر ملک بھر میں بند مندر کھولنے کا فیصلہ کر لیا تھا۔
