پشاور: پاکستان سپر لیگ (پی ایس ایل) کی فرینچائز پشاورزلمی کےچیئرمین جاوید آفریدی نے مشہور زمانہ ڈرامہ سیریل ارتغرل غازی کے مرکزی کردار ’ارتغرل‘ کو اپنی ٹیم کا نئے برانڈایمبسیڈر بنانے کا اشارہ دے دیا۔
سماجی رابطوں کی وبب سائٹ ٹوئٹر پر انہوں نے اپنے پیغام میں زلمی فینز سے پوچھا کہ اگر ارتغرل پشاور زلمی کا برانڈ ایمبیسیڈر بن جائے تو؟؟
جس کے بعد پشاور زلمی کے فینز کی جانب سے پیغامات کی بھرمار ہوگئی۔ کچھ فینز نے ارتغرل غازی کی خاتون کردار حلیمہ کو بھی برانڈ ایمیسیڈر بنانے کی ڈیمانڈ کی ہے۔
WHAT IF #ErtugrulGhazi JOIN PESHAWAR ZALMI AS A BRAND AMBASADOR ❓
— Javed Afridi (@JAfridi10) June 30, 2020
ایک صارف نے ٹوئٹر پر اپنے جذبات کا اظہار کرتے ہوئے لکھا کہ وہ کیا نظارہ ہو گا جب ارتغرل پشاور کے ارباب نیاز کرکٹ اسٹیڈیم میں موجود ہوں گے۔
What a sight it would be having Engin Altan Duzyatan aka Etugrul Bey in Peshawar, KPK, Arbab Niaz Stadium. ??? pic.twitter.com/V1eJ0g1sIl
— Mian Irfan Ullah (@Mian_Irfan_ifi) July 1, 2020
خیال رہے کہ ارتغرل غازی کا مرکزی کردار ادا کرنے والےترکش اداکار اینگن التان دوزیاتان پاکستان آنے کی خواہش کا اظہار کرچکے ہیں۔
یاد رہے کہ اس سے قبل اداکارہ ماہرہ خان اور گلوکارہ گل پانڑہ کو بھی پشاور زلمی کا برانڈ ایمبیسیڈر مقرر کیا گیا تھا۔