برطانیہ کی تمام مساجد نمازیوں کے لیےکھول دی گئیں

لندن:  برطانیہ میں 3 ماہ کےلاک ڈاوَن کے بعد تمام مساجد نمازیوں کے لیے کھول دی گئیں ہیں۔

غیر ملکی خبر رساں ادارے کے مطابق برطانوی حکومت نے مساجد میں محدود تعداد کےساتھ  نماز کی اجازت دی ہے جبکہ نمازجمعہ کے بڑی اجتماعات پر پابندی برقرار رہے گی۔

رپورٹ کے مطابق مساجد انتظامیہ بخارکی چیکنگ، ہینڈسینی ٹائرز اور ماسک یقینی بنانےکی پابند ہو گی۔

متحدہ عرب امارات میں تمام مساجد اور عبادت گاہیں کھول دی گئیں

اس کے علاوہ برطانیہ میں دیگر عبادت گاہیں، ریسٹورنٹ اورحجام کی دکانیں ایس و پیز کے تحت کھول دی گئی ہیں۔

خیال رہے کہ گزشتہ دن متحدہ عرب امارات (یو اے ای) کی حکومت نے بڑا فیصلہ کرتے ہوئے مساجد میں محدود نمازیوں کو نماز ادا کرنے کی اجازت دی تھی۔

کورونا وبا کے باعث متحدہ عرب امارات نے مکمل لاک ڈاؤن پالیسی اپناتے ہوئے تمام مساجد میں نماز ادا کرنے پر پابندی لگا دی تھی تاہم آج سے نمازی گھروں کی بجائے مکمل ایس او پیز کو فالو کرتے ہوئے مساجد میں نماز ادا کریں گے۔

متحدہ عرب امارات  نے مساجد کے لئے ایس او پیز جاری کرتے ہوئے واضح کیا کہ مسجد کی کل گنجائش کا تیس فیصد نمازیوں سے پر کرنے کی اجازت دی گئی ہے اگر کوئی خلاف ورزی کرے  گا تو اس کے خلاف کارروائی کی جائے گی۔

یہ بھی واضح کیا گیا کہ بزرگ افراد اور، 12 سال سے کم عمر بچے اور ایسے افراد جنھیں سانس کی بیماریاں ہیں ان کے مساجد میں داخلے پر پابندی برقرار رہے گی۔

متعلقہ خبریں

ٹاپ اسٹوریز