روسی سائنسدانوں نے کورونا وائرس کے خلاف ویکسین تیار کرلی

پشاور: پاکستان میں کورونا کا دوسرا مریض جان کی بازی ہار گیا

فائل فوٹو


روسی ساسندانوں نے کورونا وائرس کے خلاف نئی ویکسین تیار کرلی ہے، جو اگست تک مریضوں کے لیے دستیاب ہوگی۔

ماسکو میں قائم سیکینوف اسٹیٹ میڈیکل یونیورسٹی کے سائنسدانوں کا کہنا ہے کہ  نئی ویکسین 38 کے لگ بھگ انسانی رضاکار کورونا مریضوں پر جون میں آزمائی گئی تھی، جس کے حوصلہ افزا نتائج سامنے آئے ہیں۔

روسی سائننسدانوں کا کہنا ہے کہ اگست  کے وسظ تک مریضوں میں دنیا کی پہلی کورونا ویکسین تقسیم کی جائے گی کیونکہ اس کا انسانی رضاکاروں پر کلینکل ٹرائل مکمل ہوچکا ہے۔

دوسری جانب روس کی فوج نے اسی ویکسین کے متوازی ویکسین کا دو ماہ تک کلینکل ٹرائل شروع کیا ہے، جسے سے ریاستی ادارے قومی تحقیقاتی ادارہ برائے وبائی نے تیار کیا ہے۔

مزید پڑھیں: بل گیٹس کورونا ویکسین کی تیاری پر اربوں ڈالرز خرچ کرنے کیلئے تیار

گیمالی نامی مرکز کے سربراہ الیگزینڈر گینٹسبرگ  نے روسی خبر رساں ایجنسی سے گفتگو کرتے ہوئے امید ظاہر کی ہے کہ کورونا وائرس کے خلاف یہ نئی ویکسین 12 سے 14 اگست کے درمیان مریضوں کے لیے مارکیٹ میں دستیاب ہوگی۔

خیال رہے کہ اس سے قبل اپریل میں آکسفورڈ یونیورسٹی کے سائنس دانوں نے کہا تھا کہ یونیورسٹی کی نئی ویکسین 6 بندروں پر آزمائی گئی تھی جس کے حوصلہ افزا نتائج سامنے آئے تھے۔

یونیورسٹی کے ماہرین کے مطابق 4 ہفتوں بعد تمام بندر صحت مند تھے اور ان میں وائرس کی وجہ سے پیدا ہونے والی بیماری کورونا کی کوئی علامت نہیں پائی گئی تھی۔

آکسفورڈ یونیورسٹی کے سائنس دانوں نے کہا تھا کہ ہنگامی منظوری ملنے کے بعد رواں سال ستمبر تک لاکھوں کی تعداد میں یہ نئی ویکسین دستیاب ہوسکتی ہے۔


متعلقہ خبریں