سونے کی قیمت ملکی تاریخ کی بلند ترین سطح پر

ڈالر سستا، سونا مہنگا

کراچی: صرافہ بازار میں سونے کی قیمت پاکستان کی تاریخ کی بلند ترین سطح پر پہنچ گئی۔

آل پاکستان صرافہ ایسوسی ایشن کے مطابق سونے کی فی تولہ قیمت میں 4ہزار750روپے کااضافہ ہوا۔ پاکستان میں سونے کی فی تولہ قیمت ایک لاکھ 28ہزار 750روپے ہوگئی۔

آل پاکستان صرافہ ایسوسی ایشن کے مطابق مارکیٹ میں 10گرام سونے کی قیمت میں 4ہزار 72روپے کا اضافہ ہوا۔ 10گرام سونے کی قیمت ایک لاکھ 10ہزار382روپے ہوگئی۔

خیال رہے کہ گزشتہ روز کراچی کے صرافہ بازار میں کاروباری ہفتے کے دوسرے روز سونے کی فی تولہ قیمت میں 400 روپے کا اضافہ ہوگیا تھا۔

آل پاکستان صرافہ بازار ایسوسی ایشن کے مطابق گزشتہ روز مارکیٹ میں فی تولہ سونے کی قیمت 400 روپے اضافے کے بعد ایک لاکھ 23 ہزار 900 روپے ہوگئی تھی۔

آل پاکستان صرافہ بازار ایسوسی ایشن کے مطابق مارکیٹ میں دس گرام سونے کی قیمت 343روپے اضافے کے بعد نئی قیمت ایک لاکھ 6ہزار224روپے ہوگئی۔

مزید پڑھیں: سونے کی بڑی چھلانگ، فی تولہ سونا ایک لاکھ 17 ہزار 300 روپے کا ہوگیا

یاد رہے کہ 27 جولائی کو مارکیٹ میں فی تولہ سونے کی قیمت پنتیس سو روپے اضافے کےبعد ایک لاکھ چوبیس ہزار تین سو روپے ہوگئی تھی جبکہ دس گرام سونے کی قیمت تین ہزار روپے اضافے کےبعد ایک لاکھ چھپن ہزار روپے ہو گئی تھی۔

واضح رہے کہ دنیا بھر میں سونے کی قیمتوں میں گزشتہ دو ہفتے سے اضافے کا سلسلہ جاری ہے اور وہ تاریخ کی بلند ترین سطح پر پہنچ چکی ہیں۔

ہم نیوز کے مطابق عالمی مارکیٹ میں سونے کی قیمتیں تازہ ترین اضافے کے بعد 1920.9 ڈالرز فی اونس  ہیں جو کہ ستمبر 2011 کے بعد تاریخ کی نئی بلند ترین سطح ہے

متعلقہ خبریں

ٹاپ اسٹوریز