پاکستان اور انگلینڈ کے درمیان دوسرے ٹیسٹ میچ میں فواد عالم کو دوبارہ ٹیم میں شامل کر لیا گیا۔
دوسرے ٹیسٹ میچ میں پاکستان نے ٹاس جیت کر بیٹنگ کا فیصلہ کیا۔ پاکستان اور انگلینڈ کی کرکٹ ٹیمیں دوسرے ٹیسٹ میچ میں آج ساؤتھمپٹن میں مدمقابل ہیں۔ قومی کرکٹ ٹیم کے باؤلنگ کوچ وقار یونس سیریز میں کم بیک کرنے کے لیے پرامید ہیں۔
انگلینڈ کو تین میچوں کی سیریز میں ایک صفر کی برتری حاصل ہے۔ پہلے ٹیسٹ میں پاکستان کو تین وکٹوں سے شکست ہوئی تھی۔
پہلے ٹیسٹ میچ میں جب پاکستانی باؤلنگ اٹیک کے سامنے انگلش ٹاپ آرڈر بے بس تھا اس وقت انگلینڈ کے جوز بٹلر ٹیم کے مردِ بحران ثابت ہوئے۔ انہوں نے پچھہتر رنز بنا کر اپنی ٹیم کی فتح میں اہم کردار ادا کیا۔
میزبان ٹیم انگلینڈ کی جانب سے کرس ووکس نے بھی شاندار کار کردگی دکھائی اور مین آف دی میچ ٹھہرے۔ انہوں نے ناٹ آؤٹ چوراسی رنز کی ناقابل شکست اننگز کھیلی۔
پہلی اننگز کے دوران پاکستان نے بیٹنگ اور بالنگ میں شاندار کارکردگی کا مظاہرہ کیا جس کے باعث 326 رنز کے جواب میں انگلینڈ کی ٹیم 219 رنز پر آل آؤٹ ہوگئی تھی۔
قومی ٹیم نے اپنی دوسری اننگز کا آغاز 107 رنز کی برتری پر کیا تھا لیکن بلے بازی کے شعبے میں زیادہ نمایاں کارکردگی نہیں دکھا پائی۔
انگلینڈ کو دوسری اننگز میں جیت کیلئے277 رنز درکار تھے۔ میزبان ٹیم نے جب دوسری اننگز شروع کی تو اس کو پاکستانی بالرز کا سامنا کرنے میں کا مشکل پیش آئی۔
یہ بھی پڑھیں: محمد حفیظ کو 90سالہ خاتون کے ساتھ تصویر بنانا مہنگا پڑگیا
دوسری اننگز میں پاکستانی بالرز نے ایک بار پھر شاندار کارکردگی دکھائی اور کم ہدف ہونے کے باوجود انگلینڈ کے سات کھلاڑیوں کو پویلین کی راہ دکھائی۔
پانچ کھلاڑیوں کو آؤٹ کرنے کے بعد میچ کافی حد تک قومی ٹیم کے ہاتھ میں تھا اور پاکستانی باؤلنگ اٹیک کے سامنے انگلش ٹاپ آرڈر بے بس نظر آرہا تھا۔ انگلینڈ کی جانب سے بٹلر اور ووکس کی شاندار اننگز نے میچ کا پانسہ پلٹ دیا جس نے حریف ٹیم کو فتح دلائی۔
پاکستان نے انگلینڈ کے خلاف دوسرے ٹیسٹ کے لیے 16 رکنی اسکواڈ کا اعلان کیا تھا۔ جس میں کپتان اظہرعلی، نائب کپتان بابراعظم، عابد علی اور اسد شفیق شامل ہیں۔ شان مسعود، فواد عالم، امام الحق، محمد عباس، محمد رضوان اور سرفراز احمد بھی اسکواڈ کا حصہ ہیں۔ شاداب خان، نسیم شاہ، سہیل خان، شاہین شاہ آفریدی، یاسرشاہ اور سہیل بھٹی بھی اسکواڈ میں شامل ہیں۔
