نئی دہلی: انتہا پسند بھارتی ترک خاتون اول سے ملاقات کرنے پر اداکارعامر خان کے پیچھے پڑ گئے۔
عامر خان نے استنبول میں ترک صدر طیب ایردوان کی اہلیہ ایمائن اردوان سے ملاقات کی جس میں انہوں نے بلند آواز میں ترک خاتون اول کو سلام بھی کیا۔ ترک خاتون اول نے بھی عامر خان کا پر جوش استقبال کیا۔
ترک خٓاتون اول نےعامر خان کے ساتھ ملاقات کی تصاویر ٹوئٹر پر جاری کیں اور کہا کہ مجھے خوشی ہے عامر خان نے اپنی فلم مکمل کرنے کے لیے ترکی کا انتخاب کیا۔
I had the great pleasure of meeting @aamir_khan, the world-renowned Indian actor, filmmaker, and director, in Istanbul. I was happy to learn that Aamir decided to wrap up the shooting of his latest movie ‘Laal Singh Chaddha’ in different parts of Turkey. I look forward to it! pic.twitter.com/3rSCMmAOMW
— Emine Erdoğan (@EmineErdogan) August 15, 2020
اس ملاقات کے بعد بھارتی میڈیا اور سوشل میڈیا کے مخلتف پلیٹ فارمز پر انتہا پسند بھارتیوں نے عامر خان پر خوب تنقید کی۔
انہوں نے کہا کہ ترک صدر کشمیر کیلئے آواز اٹھاتے ہیں، ان کی اہلیہ سے ملاقات بھارت کے خلاف سازش ہے۔